Ikipe ya Rayon Sports ikomeje kwiyubaka yamaze kurekura bamwe mu bakinnyi bayo batabonaga umwanya wo gukina barimo Yassin Mugume, Innocent Twagirayezu, Christ Mbondi, Yussuf Habimana na Djamal Mwiseneza.

Sponsored Ad

Nyuma y’imyitozo yo ku munsi w’ejo yagaragayemo abakinnyi bashya iyi kipe iherutse gusinyisha barimo Mazimpaka Andre,Bukuru Christophe,Mudeyi Suleiman na Kakule Mugheni wasinye imbanzirizamasezerano,Rayon Sports yashyikirijwe impapuro aba bakinnyi zibemerera kwishakira andi makipe.

Aba bakinnyi hafi ya bose bageze muri Rayon Sports mu mwaka ushize ariko ntibabashije kubona umwanya uhagije wo gukina ndetse no kwemeza umutoza Robertinho byatumye ubuyobozi bubaha amabaruwa abasezerera.

Rayon Sports iri kwitegura shampiyona izatangira ku wa 19 Ukwakia 2018,isura Etincelles FC kuri stade Umuganda mu mujyi wa Rubavu.