skol
fortebet

Rayon Sports yashyize hanze urutonde rw’abakinnyi 28 izakoresha mu mwaka w’imikino 2018-2019 barimo Bakame

Yanditswe: Tuesday 09, Oct 2018

Sponsored Ad

Ikipe ya Rayon Sports yamaze gushyikiriza FERWAFA urutonde rw’abakinnyi 28 izakoresha mu mwaka w’imikino utaha barimo umunyezamu Bakame umaze iminsi mu bihano gusa ntiruriho umukinnyi Tuyishime Eric uzwi nka Congolais byavugwaga ko yaguzwe avuye muri APR FC.

Sponsored Ad

Bakame wahagaritswe mu ikipe ya Rayon Sports mu gihe kitazwi ashinjwa kuyigambanira,yagaruwe ndetse yatanzwe kuri uru rutonde rwahawe FERWAFA.

Abakinnyi Rayon Sports izakoresha mu mwaka w’imikino 2018-2019

Bakame wifuzwaga n’amakipe menshi arimo na As Kigali,yashyizwe kuri uru rutonde nubwo Rayon Sports yazanye abanyezamu barimo Bashunga Abouba yakuye muri Bandari na Mazimpaka yakuye muri Musanze FC.

Abakinnyi bashya bari kuri uru rutonde ni Iradukunda Radu wavuye muri As Kigali, Habimana Hussein wavuye muri Police, Bukuru Christophe wavuye muri Mukura,Mazimpaka Andre,Kakue Mugheni Fabrice waturutse muri Kiyovu na Mudeyi Suleiman bavuye muri Musanze.

Rayon Sports yamaze kurekura bamwe mu bakinnyi bayo batabonaga umwanya wo gukina barimo Yassin Mugume, Innocent Twagirayezu, Christ Mbondi, Yussuf Habimana na Djamal Mwiseneza.

Rayon Sports izatangirira urugamba rwo guhatanira igikombe cya shampiyona I Rubavu ihura na Etincelles.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa