Kigali

Rayon Sports yasinyishije Ciza Hussein yakuye muri Mukura VS [Yavuguruwe]

Imikino   Yanditswe na: Dusingizimana Remy 21 June 2019 Yasuwe: 3707

Rutahizamu Ciza Hussein Mugabo ufite inkomoko mu Burundi ariko ufite ubwenegihugu bw’u Rwanda yamaze gusinyira ikipe ya Rayon Sports amasezerano y’imyaka 2 mu gihe Rayon Sports icyumvikana na myugariro witwa Moussa Muryango wabaye kapiteni w’Intamba mu Rugamba z’abatarengeje imyaka 23.

Ciza Hussein wari umaze imyaka 6 akinira ikipe ya Mukura VS ndetse yabaye na kapiteni wayo,yaraye asezeye kuri iyi kipe yamugize igihangange niko kubyuka asinyira ikipe ya Rayon Sports.

Mu butumwa yashyize ku mbuga nkoranyambaga ze,Ciza yagize ati "Ndagira ngo mfate akanya gato nshimire umuryango wa Mukura nyuma y’imyaka itandatu nari maze mu ikipe hamwe namwe. Byari byiza ndetse no mu bihe bibi mwanyeretse urukundo rw’ikipe. Nifuzaga gukomezanya namwe ariko umuntu arakura, ni umwanya wo gufata icyemezo nkajya ahandi. I Huye ni mu rugo, Mukura ni umuryango. Ndabifuriza amahirwe no gukomeza. Naje nemye kandi ngiye nemye.”

Amakuru avuga ko Ciza Hussein yahawe akayabo ka miliyoni 8 FRW kugira ngo asinyire ikipe ya Rayon Sports aya masezerano y’imyaka 2 iri imbere.

Ciza yatangiriye umupira mu ikipe y’abana ya Etoile de Bwiza afite imyaka 10, ahamara imyaka ibiri ajya mu ikipe yo mu cyiciro cya gatatu ya se wa Ndikumana Hamadi Katauti yahuriyemo na Kwizera Pierrot nawe wakiniye Rayon Sports.

Ciza yakiniye Dynamic umwaka umwe mbere yo kubengukwa na Atlético Olympique ayikinira imyaka itanu. Umutoza Kaze Cédric wamutozaga ni we wamuzanye muri Mukura muri 2013.

Myugariro Moussa Muryango wavutse kuwa 25 Gicurasi 1999 nawe ari hafi gusinyira Rayon Sports avuye mu ikipe ya Vital’o cyane ko yari kumwe na Ciza Hussein bagiye gusinya gusa we ntabwo biramenyekana impamvu atasinye.


Ciza Hussein na Muryango mu gitondo ubwo bari bagiye gusinyira Rayon Sports

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

APR FC yafatiye ibihano Sugira Ernest kubera ibyo yatangaje nyuma yo...

Ubuyobozi bwa APR FC bwafashe umwanzuro wo guhagarika rutahizamu Sugira...
22 October 2019 Yasuwe: 2510 0

Rayon Sports irahura na Bugesera FC idafite Radou na Saddam bafite ibibazo...

Ikipe ya Rayon Sports irahura na Bugesera FC mu mukino w’umunsi wa 04 wa...
22 October 2019 Yasuwe: 1198 0

Sergio Ramos yasezeranyije ikintu gitangaje umutoza Zidane umerewe...

Kapiteni w’ikipe ya Real Madrid,Sergio Ramos yabwiye umutoza we Zinedine...
22 October 2019 Yasuwe: 2133 0

Cristiano Ronaldo yatangaje ikintu Maurizio Sarri atandukaniyeho na Allegri...

Rutahizamu wa Juventus,Cristiano Ronaldo yatangaje ko Juventus y’uyu mwaka...
22 October 2019 Yasuwe: 1335 0

Umutoza mushya wa Mukura VS yatangaje icyo ashyize imbere

Tony Hernandez, umutoza wa Mukura VS , aravuga ko agomba gushyira imbaraga...
22 October 2019 Yasuwe: 1503 0

Ku rutonde rw’abakinnyi 10 ba mbere beza b’ikinyejana cya 21,Lionel Messi...

Umunya-Argentine Lionel Andres Messi ukinira FC Barcelona yo mu gihugu cya...
21 October 2019 Yasuwe: 2247 1