Kigali

Rayon Sports yasinyishije Iradukunda Eric Radu na Mudeyi Suleiman

Imikino   Yanditswe na: Dusingizimana Remy 12 September 2018 Yasuwe: 3040

Kuri uyu wa Gatatu tariki ya 12 Nzeri 2018 ikipe ya Rayon Sports yiyubatse bikomeye kuko yaguze abakinnyi bakomeye barimo myugariro Iradukunda Eric bakunze kwita Radu na Mudeyi Suleiman ukina asatira ku ruhande rw’ibumoso.

Iradukunda Eric wakiniraga AS Kigali ,yamaze kuba umukinnyi wa Rayon Sports uje kongera imbaraga mu bwugarizi bwayo cyane cyane ku ruhande rw’iburyo rwananiranye nyuma yo kugenda kwa Makenzi.Radu asanzwe ahamagarwa mu ikipe y’igihugu, Amavubi, aho yibukwa cyane mu mikino ya CHAN yabereye muri Maroc mu ntangiriro z’uyu mwaka.

Iradukunda Eric Radu utarahiriwe n’igice cya kabiri cya shampiyona y’u Rwanda kubera imvune ikomeye yagize, yasinyiye Rayon Sports amasezerano y’ imyaka 2.

Mudeyi Suleiman wakiniraga Musanze FC nawe yamaze gusinyira Rayon Sports amasezerano y’imyaka 2 aho aje kongera imbaraga mu busatirizi bwayo bwatakaje abakinnyi bakomeye barimo Diarra na Tshabalala.

Mu mwaka w’imikino ushize, Mudeyi yatsindiye Musanze FC ibitego 7, atanga imipira 5 yavuyemo ibitego aho we ku giti cye yabashije gutsinda ibitego amakipe akomeye arimo APR FC, Rayon Sports na AS Kigali.

Rayon Sports Imaze gusinyisha abakinnyi 3 muri iyi mpeshyi, barimo Donkor Prosper Kuka, ukina hagati mu kibuga, Mudeyi Suleiman ukina aca ku mpande, yakuye i Musanze na Iradukunda Eric Radu yakuye muri AS Kigali.


Radu wakiniye Amavubi muri CHAN na Mudeyi bamaze gusinyira Rayon Sports

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Zlatan Ibrahimovic yafatiwe ibihano kubera ubugome yakoreye...

Rutahizamu wa Los Angeles Galaxy,Zlatan Ibrahimovic yafatiwe ibihano byo...
19 May 2019 Yasuwe: 2026 0

Manchester City yakoze amateka yo gutwara ibikombe byose bikinirwa mu...

Ikipe ya Manchester City yanyagiye Watford ibitego 6-0 ku mukino wa nyuma...
18 May 2019 Yasuwe: 2469 0

Muhanga FC y’abakinnyi 10 yatsinze APR FC ituma icyizere cyayo cyo gutwara...

Ikipe ya AS Muhanga itunguye benshi mu bakunzi ba ruhago mu Rwanda,kuko...
18 May 2019 Yasuwe: 6090 2

Manchester United yatangiye gushaka umuzamu usimbura David de Gea wanze...

Ikipe ya Manchester United yananiwe kongerera amasezerano umunyezamu David...
18 May 2019 Yasuwe: 1878 0

Rwatubyaye yatijwe mu cyiciro cya kabiri n’ikipe ye nshya ya Colorado...

Myugariro Rwatubyaye Abdul w’imyaka 22 wari umaze iminsi mike yerekeje mu...
18 May 2019 Yasuwe: 2492 1

Rayon Sports yanyagiye Musanze FC irushaho gushimangira intambwe iyiganisha...

Rayon Sports yongeye gushimangira ko ititeguye kurekura igikombe ngo...
17 May 2019 Yasuwe: 4611 1