Kigali

Rayon Sports yatangaje amafaranga yahawe kuri Diarra n’ingamba bafite mu gushaka abakinnyi bashya

Imikino   Yanditswe na: Dusingizimana Remy 4 August 2018 Yasuwe: 4098

Ubuyobozi bwa Rayon Sports bwamaze amatsiko abafana babwo bibazaga amafaranga bwagurishije rutahizamu Ismaila Diarra aho bwemeje ko ikipe ya CA Bordj Bou Arréridj yishyuwe ibihumbi 30 by’amadorali ya Amerika, ni ukuvuga miliyoni zirenga 25 z’amafaranga y’u Rwanda ndetse bagiye kuyakoresha bazana abakinnyi bakomeye baturutse hanze y’ u Rwanda.

Umunyamabanga mukuru wa Rayon Sports, Itangishaka King Bernard, yatangarije abanyamakuru kuri uyu wa Gatanu ubwo iyi kipe yasesekaraga mu Rwanda ivuye muri Algeria nyuma yo kubura indege ko CA Bordj Bou Arréridj yishyuye ibihumbi 30 by’amadorali ya Amerika ndetse batagiye kubika aya mafaranga bagiye kuyashora ku isoko bakazana abandi bakomoka hanze y’ u Rwanda.

Diarra yagarutse mu Rwanda gufata ibye akerekeza muri Algeria

Itangishaka yavuze ko bitewe n’uko ikipe yatakaje abakinnyi benshi uyu mwaka, bashaka kujya ku isoko bakongera kugura abandi by’umwihariko abanyamahanga bashoboye ku buryo bazaziba icyuho cy’abagiye.

Rayon Sports imaze gutakaza abakinnyi benshi barimo rutahizamu Shaban Hussein Tchabalala wagiye muri Afurika y’Epfo, Nahimana Shassir wagiye muri Oman, Ndayishimiye Eric Bakame wirukanywe kubera imyitwarire, Kwizera Pierrot wamaze kwemeza ko atazongera kuyikinira, Usengimana Faustin wagiye muri Qatar n’abandi bari ku muryango usohoka barimo Muhire Kevin, Mutsinzi Ange Jimmy na Manishimwe Djabel.

Itangishaka yavuze ko ku mafaranga Rayon Sports yagurishije Diarra hari andi ibihumbi bitanu by’amadolari CA Bordj Bou Arréridj izabishyura nyuma.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble naphtali

    Urugendo rwiza diara

    August 2018

Inzindi nkuru

N’golo Kante yongeye gukora agashya kasekeje cyane abakinnyi b’ikipe...

Umukinnyi N’golo Kante uzwiho kwicisha bugufi no kugira ikinyabupfura,yasekeje
18 March 2019 Yasuwe: 5064 0

Cristiano Ronaldo ashobora gufatirwa ibihano bikarishye kubera uburyo...

Kabuhariwe Cristiano Ronaldo,ufatwa nk’umwami wa UEFA Champions League...
18 March 2019 Yasuwe: 3778 0

Migi yatangaje ikintu yicuza kurusha ibindi kuva yatangira gukina umupira...

Umukinnyi wa APR FC,Mugiraneza Jean Baptiste yatangaje ko ikintu yicuza...
18 March 2019 Yasuwe: 3704 1

Uhiriwe Byiza Renus nawe yatwaye umudali wa Zahabu muri shampiyona ya...

Umusore ukiri muto witwa Uhiriwe Byiza Renus, watwaye shampiona y’u Rwanda...
18 March 2019 Yasuwe: 860 0

Seninga Innocent wari umutoza wa Bugesera FC yeguye ku mirimo yo...

Umutoza Seninga Innocent wari umaze amezi 8 atoza ikipe ya Bugesera FC,...
18 March 2019 Yasuwe: 775 0

Zidane yavuze ku byerekeye kuzana rutahizamu Kylian Mbappe muri Real...

Umutoza wa Real Madrid,Zinedine Zidane yatangaje ko yifuza kuzatoza...
18 March 2019 Yasuwe: 2953 0