Kigali

Rayon Sports yazanye abakinnyi b’ibikurankota bo kuyifasha kwiyubaka

Imikino   Yanditswe na: Dusingizimana Remy 5 August 2018 Yasuwe: 11112

Mu rwego rwo kwiyubaka no gusimbuza abakinnyi bagiye,ikipe ya Rayon Sports yamaze kugura abakinnyi 2 bashya barimo rutahizamu ukomoka muri Cote d’Ivoire ndetse n’umukinnyi wo hagati ukomoka muri Ghana bazayifasha mu mikino ya shampiyona itaha n’iya Total CAF Champions League isigaye.

Aba bakinnyi bashya Rayon Sports yamaze gusinyisha ni Donkor Prosper Kuka wo muri Ghana, ukina mu kibuga hagati na rutahizamu Kouame Brou Gerard Stephane we ukomoka muri Cote d’Ivoire.

Donkor Prosper aje gusimbura Kwizera Pierrot

Aba basore babiri baje kuziba icyuho cya Ismaila Diarra wamaze kugurwa na CABBA yo muri Algeria ndetse na Kwizera Pierrot wamaze gutangaza ko umwaka utaha atazayikinira mu gihe byitezwe ko Manishimwe Djabel na Muhire Kevin nabo bashobora gusohoka.

Amakuru umuryango ukesha Rwandamagazine.com ni uko aba bombi bamaze guhabwa ibyangombwa byo gukinira Rayon Sports ( muri season itaha) , ndetse bakaba boherejwe kuri liste y’abagomba kuyikinira mu mikino ya Total Confederation Cup yo mu matsinda harimo uwo Rayon Sports igomba kujya gukina na Gor Mahia tariki 19 Kanama 2018.

Kuri iki Cyumweru tariki 5 Kanama 2018 niwo munsi wa nyuma wo kongeramo abakinnyi muri CAF ku makipe ari gukina amatsinda y’ibikombe bihatanirwa ku mugabane wa Afurika. Rayon Sports yari isigaje imyanya 2 ari nayo mpamvu yahise yohereza ubusabe bw’abo bakinnyi 2 bashya.

Donkor Prosper Kuka akomoka muri Ghana,akina mu kibuga hagati,akinisha cyane ukuguru kw’iburyo. Yakiniye amakipe atandukanye yo mu cyiciro cya mbere muri Ghana arimo nka Heart of Lions (2014-2015) , Bechem United (2016), Dreams FC (2017) na Accra Young Wise ari nayo yeherukaga gukinamo umwaka ushize.

Uyu ni Rutahizamu uje gusimbura Diarra yitwa Kouame Brou Gerard Stephane

Amateka ye agaragaza ko akina afasha cyane ba rutahizamu ndetse akaba afite ubuhanga bwo gutsindira kure y’izamu. Muri 2016, mu mikino 26 yakiniye Bechem United , yatsinzemo ibitego 10.

Kouame Brou Gerard Stephane we ni rutahizamu ariko ushobora no gukinishwa inyuma ya ba rutahizamu. Akomoka muri Cote D’Ivoire. Hagati ya 2016-2017 yakiniraga akinira Ilocos United yo muri Philippine. Mu mikino 16 yayikiniye, yatsinze ibitego 11 atanga imipira ivamo ibitego (assists) 6. Aje aturutse mu ikipe ya Entente II Lomé yo muri Togo.

Ni muremure kuko areshya na metero 1.89. Aracyari muto kuko ibyangombwa bye bigaragaza ko yavutse muri 2000.

Hagati ya 2015-2016 yakiniraga Moosou FC yo uri Cote D’Ivoire. Mu mikino 9 , yatsinzemo ibitego 4, atanga imipira 4 ivamo ibitego. Hagati ya 2013 na 2015 yakiniraga ASCA Academy.

Source:Rwanda Magazine

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Zlatan Ibrahimovic yafatiwe ibihano kubera ubugome yakoreye...

Rutahizamu wa Los Angeles Galaxy,Zlatan Ibrahimovic yafatiwe ibihano byo...
19 May 2019 Yasuwe: 2002 0

Manchester City yakoze amateka yo gutwara ibikombe byose bikinirwa mu...

Ikipe ya Manchester City yanyagiye Watford ibitego 6-0 ku mukino wa nyuma...
18 May 2019 Yasuwe: 2450 0

Muhanga FC y’abakinnyi 10 yatsinze APR FC ituma icyizere cyayo cyo gutwara...

Ikipe ya AS Muhanga itunguye benshi mu bakunzi ba ruhago mu Rwanda,kuko...
18 May 2019 Yasuwe: 6067 2

Manchester United yatangiye gushaka umuzamu usimbura David de Gea wanze...

Ikipe ya Manchester United yananiwe kongerera amasezerano umunyezamu David...
18 May 2019 Yasuwe: 1873 0

Rwatubyaye yatijwe mu cyiciro cya kabiri n’ikipe ye nshya ya Colorado...

Myugariro Rwatubyaye Abdul w’imyaka 22 wari umaze iminsi mike yerekeje mu...
18 May 2019 Yasuwe: 2487 1

Rayon Sports yanyagiye Musanze FC irushaho gushimangira intambwe iyiganisha...

Rayon Sports yongeye gushimangira ko ititeguye kurekura igikombe ngo...
17 May 2019 Yasuwe: 4604 1