Kigali

Rayon Sports yegukanye igikombe cy’Intwari mu gahinda gakomeye

Imikino   Yanditswe na: Dusingizimana Remy 1 February 2018 Yasuwe: 2041

Ikipe ya Rayon Sports niyo yegukanye igikombe cy’Intwari cy’uyu mwaka wa 2018 ibikesheje ikinyuranyo cy’ibitego 4 yari ifite,nubwo yatsinzwe na APR FC ibitego 2-1 mu mukino wa gatatu .

Kunganya 0-0 kwa Police Fc na AS Kigalimu mukino wabanje, kwahise guhesha igikombe cy’Intwari ikipe ya Rayon Sports, kuko kuri uyu mukino wasozaga iki gikombe, APR FC yasabwaga gutsinda ibitego birenze 5 kugira ngo ibashe kucyegukana.

Ikipe ya Rayon Sports yatangiye neza umukino kuko yafunguye amazamu ku munota wa 4 w’umukino ku gitego cyatsinzwe na Shabani Hussein uzwi nka Tshabalala ku mupira wari utewe na Kwizera Pierrot kuri coup Franc.

Nyuma yo kubona iki gitego, abasore ba Rayon Sports bahise basubira inyuma maze APR FC irasatira cyane byatumye ibona uburyo 3 bukomeye burimo ubwabonwe na Iranzi Jean Claude,Byiringiro Lague na Hakizimana Muhadjiri ntibabasha kububyaza umusaruro byatumye igice cya mbere kirangira ari igitego 1-0.

Mu gice cya kabiri,ikipe ya APR FC yaje ifite gahunda yo gusatira Rayon Sports ndetse birayikundira kuko yaje kwishyura igitego kuri coup franc yatewe na Hakizimana Muhadjiri ndetse Bigirimana Issa atsinda igitego cya kabiri.

Jimmy Mulisa yatangaje ko abakinnyi be bubahirije amabwiriza yabahaye ndetse ubunararibonye bwa Migi na Iranzi bwamufashije kwigaranzura Rayon Sports yari iheruka kubatsinda mu gikombe cya super cup.

Karekezi yatangaje ko icyatumye ikipe ye itabasha gutsinda ari ubwumvikane buke hagati y’abakinnyi bo hagati n’inyuma batabashije kugeza imipira imbere kugira ngo rutahizamu Diarra abashe kubona igitego.

Rayon Sports yegukanye igikombe aho isoje iri rushanwa inganya amanota 4 na APR FC na Police FC gusa ibitego bitatu izigamye nibyo bikiyihesheje.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

APR FC y’abakinnyi 10 itsinze Rayon sports

Mu mukino wa shampiyona w’umunsi wa 11 utarabereye igihe, ikipe ya APR Fc...
25 February 2018 Yasuwe: 690 0

Pogba utari kuvuga rumwe na Mourinho ashobora kuva muri Manchester...

Umukinnyi Paul Pogba ukina hagati mu kibuga mu ikipe ya Manchester United...
25 February 2018 Yasuwe: 818 0

Amakuru y’ingenzi ari kuvugwa muri Rayon Sports na APR FC ziracakirana uyu...

Benshi mu bakunzi ba Ruhago mu Rwanda bategerezanyije ubwuzu umukino...
25 February 2018 Yasuwe: 1270 0

Amikoro yatumye Muhire Hassan asezera muri Miroplast FC ishobora...

Umutoza mukuru w’ikipe ya Miroplast Muhire Hassan yamaze kwandikira ibaruwa...
25 February 2018 Yasuwe: 277 1

Rurangirwa wongeye gutanga kandidatire yo kuyobora FERWAFA yakoze mu jisho...

Rurangirwa Louis wongeye gutanga kanditature yo kwiyamamariza kuyobora...
24 February 2018 Yasuwe: 1548 0

Wenger yavuze amagambo mabi kuri Guardiola baracakirana kuri iki...

Umutoza w’ikipe ya Arsenal,Arsene Wenger yatangaje ko abavuga ko umutoza...
24 February 2018 Yasuwe: 1246 0