Kigali

Rayon Sports yeretse TP Mazembe ko nayo ari ikipe ikomeye muri Afurika

Imikino   Yanditswe na: Dusingizimana Remy 7 July 2019 Yasuwe: 6265

Ikipe ya Rayon Sports itahabwaga amahirwe,ikoze ibitangaza itsinda ikipe ya TP Mazembe mu mukino wa mbere wo mu itsinda A rya CECAFA Kagame Cup wabereye kuri stade Amahoro I Remera.

Ibifashijwemo n’abakinnyi yakuye mu ikipe ya APR FC bigaragaje cyane,Rayon Sports yakinnye umupira mwiza cyane itsinda TP Mazembe iri mu makipe ya mbere muri Afurika yaba mu bikombe ndetse no mu mikoro.

Rayon Sports yatangiye yotsa igitutu TP Mazembe bituma ifungura amazamu ku munota wa 4 w’umukino ku gitego cyatsinzwe na kabuhariwe Jules Ulimwengu ku mupira mwiza yahawe na Iranzi Jean Claude wavuye muri APR FC.

Rayon Sports yakinnye igice cya mbere irusha TP Mazembe ku buryo bugaragarira buri wese,yagaragaje ko abakinnyi yaguze bari ku rwego rwo hejuru cyane by’umwihariko Elokwei Commodore,n’abo yakuye muri APR FC barimo Iranzi,Kimenyi Yves,Rugwiro Herve na Imran Nshimiyimana bakinnye uyu mukino.

Mazembe yatunguwe no kwinjizwa igitego hakiri kare,yateye amashoti 2 akomeye mu izamu rya Rayon Sports mu gice cya mbere,umunyezamu Kimenyi Yves abyitwaramo neza.

Rayon Sports yakinannye icyizere cyinshi,yashimishije abafana bayo cyane mu gice cya mbere yarangije iyoboye ku buryo budasubirwamo.

Nk’ikipe nkuru,Mazembe yagarutse mu gice cya kabiri yariye karungu ndetse irusha bigaragara Rayon Sports ariko ubwugarizi bwa Rugwiro na Iragire Saidi bubyitwaramo neza.

Ku munota wa 55 Mazembe yasabye ubwo Iragire Saidi yakoraga umupira mu rubuga rw’amahina, ariko umusifuzi avuga ko nta cyabaye.

Mazembe yabonye uburyo bukomeye ku munota wa 02 w’inyongera ubwo Masengo Godet yarenguraga umupira mu izamu, Kimenyi Yves asohoka nabi ntiyawufata, usanga abakinnyi bayo bawutera hejuru.

Rayon Sports yagerageje gukinisha abakinnyi bayo yaguze kuko uretse ababanje mu kibuga,yinjije Sekamana Maxime asimbura Iranzi Jean Claude,Mirafa asimbura Commodore mu gihe Ciza yasimbuwe na Mugisha Gilbert.

Umunya Ghana Elokwei Commodore yagaragaje ubuhanga budasanzwe muri uyu mukino kuko uretse kuba azi kugumana umupira,azi no gukinana neza na bagenzi be.Yagoye bikomeye Mazembe mu gice cya mbere.

Rayon Sports yatojwe n’umutoza mushya Mathurin Ovambe Olivier ukomoka muri Cameroun wari wungirijwe na Mwiseneza Djamal.

Uko indi mikino yagenze:

Bandari Football Club 1-1 KCCA FC
KMC FC 1-1 Atlabara
AZAM FC 1-0 MUKURA VS



Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Rayon

    Wowe uvuga ko iki gihe rayon idashobora kuba ikomeye ugatanga ingero ku gutsinda TP Mazembe ntacyo bivuze kuko yari weak. None se tuzajye tumenyera ingufu za Rayon na APR dushingiye ku mikino yakinnye na TP Mazembe cyangwa muri championa yo nyarwanda?

    3 months ago
  • chat_bubble Kaliza

    None c nkawe ushobora kuba urebye umupira nta mezi abiri ashize ,bakubwiye ko Apr yatsinze Mazempe inshuro 1 gusa?Apr yayitsinze muri caf champions league 2009 1-0 cyatsinzwe na Ngabo Albert no muri Cecafa 2010 Apr iyitsinda 2-0 nubwo match aha itarangiye kdi iyi yari Mazembe yuzuye ya MPutu Trésor ureke iyi Mazempe mwakinnye nayo ya 3 aho abakinnyi bayo bakomeye bari mugikombe cya CAN

    3 months ago
  • chat_bubble Kaliza

    None c nkawe ushobora kuba urebye umupira nta mezi abiri ashize ,bakubwiye ko Apr yatsinze Mazempe inshuro 1 gusa?Apr yayitsinze muri caf champions league 2009 1-0 cyatsinzwe na Ngabo Albert no muri Cecafa 2010 Apr iyitsinda 2-0 nubwo match aha itarangiye kdi iyi yari Mazembe yuzuye ya MPutu Trésor ureke iyi Mazempe mwakinnye nayo ya 3 aho abakinnyi bayo bakomeye bari mugikombe cya CAN

    3 months ago
  • chat_bubble Manzi

    amateka ariyanditse nyamara Rayon ishobora kuba ikomeye koko. committee ya rayon izi ibintu byo kugura abakinnyi bashoboye idahubutse. hari abajyaga bavuga ngo batsinze Mazembe kandi match itararangiye kubera kurwana kwa Mputu tresor , ngirengo ubu noneho amagambo ashizivuga.

    3 months ago
  • chat_bubble King

    well done guys

    3 months ago
  • chat_bubble Any

    iyi rayon nabonye hariya nizitari mazembe izazihonfagura.

    3 months ago

Inzindi nkuru

APR FC yafatiye ibihano Sugira Ernest kubera ibyo yatangaje nyuma yo...

Ubuyobozi bwa APR FC bwafashe umwanzuro wo guhagarika rutahizamu Sugira...
22 October 2019 Yasuwe: 2410 0

Rayon Sports irahura na Bugesera FC idafite Radou na Saddam bafite ibibazo...

Ikipe ya Rayon Sports irahura na Bugesera FC mu mukino w’umunsi wa 04 wa...
22 October 2019 Yasuwe: 1148 0

Sergio Ramos yasezeranyije ikintu gitangaje umutoza Zidane umerewe...

Kapiteni w’ikipe ya Real Madrid,Sergio Ramos yabwiye umutoza we Zinedine...
22 October 2019 Yasuwe: 2069 0

Cristiano Ronaldo yatangaje ikintu Maurizio Sarri atandukaniyeho na Allegri...

Rutahizamu wa Juventus,Cristiano Ronaldo yatangaje ko Juventus y’uyu mwaka...
22 October 2019 Yasuwe: 1294 0

Umutoza mushya wa Mukura VS yatangaje icyo ashyize imbere

Tony Hernandez, umutoza wa Mukura VS , aravuga ko agomba gushyira imbaraga...
22 October 2019 Yasuwe: 1494 0

Ku rutonde rw’abakinnyi 10 ba mbere beza b’ikinyejana cya 21,Lionel Messi...

Umunya-Argentine Lionel Andres Messi ukinira FC Barcelona yo mu gihugu cya...
21 October 2019 Yasuwe: 2235 1