Kigali

Rayon Sports yihimuye kuri Sunrise FC isanga Mukura VS ku mukino wa nyuma w’igikombe cy’Amahoro

Imikino   Yanditswe na: Dusingizimana Remy 9 August 2018 Yasuwe: 3163

Rayon Sports na Mukura VS nizo zigomba guhurira ku mukino wa nyuma w’igikombe cy’Amahoro nyuma y’aho Rayon Sports itsindiye Sunrise FC ibitego 2-0 mu mukino wabereye kuri stade ya Kigali I Nyamirambo kuri uyu wa Kane.

Rayon Sports yari yatsindiwe ibitego 2-1 kuri stade ya Mabati,yaje yariye karungu irusha bikomeye Sunrise byatumye iyitsinda ibitego 2-0.

Rayon Sports yagerageje gukina neza mu gice cya mbere ariko ntibyayikundira ko ifungura amazamu gusa na Sunrise nta kintu gikomeye yigeze ikora.

Mu gice cya kabiri ikipe ya Robertinho yahinduye byinshi ndetse iza itandukanye n’iyo mu gice cya mbere byatumye ku munota wa 68 Niyonzima Olivier uzwi nka Seif afungura amazamu ku rutambi rw’ishoti yateye umunyezamu wa Sunrise ntiyamenya aho runyuze.

Rayon Sports ntiyazuyaje kwerekana ko ari ubukombe mu Rwanda, kuko ku munota wa 79 yaje kubona igitego cya kabiri cyatsinzwe na Muhire Kevin,bituma iha ubutumwa bukomeye ikipe ya Mukura VS bazahurira kuri final izaba ku cyumweru saa kumi n’ebyiri.

Sunrise FC yarangije umukino ari abakinnyi 10 kuko Uwambajimana Leo uzwi nka Kawunga yahawe ikarita itukura nyuma yo gukinira nabi Manzi Thierry agahabwa ikarita ya kabiri y’umuhondo.

Gutsinda kwa Rayon Sports gutumye yongera kwizera ko ishobora guhagararira u Rwanda mu mikino ya CAF Confederations cup niramuka itwaye iki gikombe.

APR FC na Sunrise zizahatanira umwanya wa 3 ku Cyumweru saa cyenda kuri stade Amahoro,mu gihe Rayon Sports na Mukura VS zizakurikira ku mukino wa nyuma.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble niyonkuru

    Ariko mujye mushyiraho amafoto ajyanye n’umukino w’uwo munsi mureke ibyashaje.

    3 months ago
  • chat_bubble kiki

    COURAGE BASORE

    3 months ago

Inzindi nkuru

Wayne Rooney yatangaje umukinnyi w’umuhanga kurusha abandi mubo yakinannye...

Rutahizamu Wayne Rooney waraye akinnye umukino wa nyuma mu ikipe y’igihugu...
16 November 2018 Yasuwe: 1267 0

Ikipe ishobora gutanga Manchester United gusinyisha Zinedine Zidane...

Kabuhariwe mu mupira w’amaguru, Zinedine Zidane wahoze atoza ikipe ya Real...
16 November 2018 Yasuwe: 2188 0

Bakame ushaka kwerekeza muri Kenya arashinja ubuyobozi bwa Rayon Sports na...

Umunyezamu w’ikipe ya Rayon Sports Ndayishimiye Eric Bakame ababajwe cyane...
16 November 2018 Yasuwe: 2493 1

Robertinho arifuzwa cyane n’ikipe ya Gor Mahia

Ikipe ya Gor Mahia yamaze gutandukana n’umutoza wayo Dylan Kerr irifuza...
16 November 2018 Yasuwe: 1432 1

FERWACY yashyize hanze inzira zose Tour du Rwanda 2019 izacamo n’amakipe...

Ishyirahamwe ry’umukino wo gusiganwa ku magare mu Rwanda, FERWACY,ryamuritse...
15 November 2018 Yasuwe: 1385 0

Rayon Sports yamaze gusinyisha Mugheni Fabrice mu buryo bwemewe...

Kuri uyu wa Kane tariki 15 Ugushyingo 2018 nibwo Rayon Sports yumvikanye na...
15 November 2018 Yasuwe: 2722 1