Kigali

Rayon Sports yirukanye burundu Nova Bayama, ihagarika Manishimwe Djabel

Imikino   Yanditswe na: Dusingizimana Remy 9 January 2019 Yasuwe: 3840

Ubuyobozi bwa Rayon Sports bwafatiye ibihano bikarishye abakinnyi babwo babiri baheruka gutererana ikipe mu mukino iheruka gukina na Musanze FC,aho yirukanye burundu Nova Bayama na Manishimwe Djabel ahagarikwa ukwezi.

Mu nama ikomeye yabaye ku wa Mbere tariki 7 Mutarama 2019, ubuyobozi bwa Rayon Sports bwashinje aba bakinnyi bombi guta akazi, bagatererana ikipe igihe yari ibakeneye ku mukino Rayon Sports iheruka gutsindamo Musanze FC ku munsi wa 13 wa shampiyona wakinwe tariki 5 Mutarama 2019.

Nova Bayama yashinjwe n’abayobozi ba Rayon Sports kwanga kwitabira akazi akabeshya ko arwaye ku munota wa nyuma kandi abaganga batarigeze batanga raporo igaragaza uburwayi bwe.

Uku kwanga kwitabira akazi ku bushake,kwatumye Nova Bayama yirukanwa,ahabwa urwandiko rumwemerera kwishakira indi kipe yerekezamo aho kuri ubu havugwa ikipe ya AS Kigali ya Masudi wifuza ko bongera gukorana.

Manishimwe Djabel nawe yikuye mu mwiherero ku munota wa nyuma aho yabwiye ubuyobozi bw’ikipe ya Rayon Sports ko afite ubutumire bw’ikipe yo muri Portugal bityo ko yari afite itike y’indege yagombaga kumujyana muri Kenya gushakayo VISA.

Djabel yahagurutse I Musanze kuko yari yajyanye n’ikipe,afata indege imwerekeza muri Kenya saa cyenda n’igice z’umugoroba ku wa Gatandatu tariki 5 Mutarama 2019. Djabel yavuze ko yagerageje guhinduza itike ariko bikananirana,biba ngombwa ko ubuyobozi bwa Rayon Sports bumureka aragenda.

Visi Perezida wa Rayon Sports,Muhirwa Freddy , yemeje ko Djabel afatwa nk’uwatereranye ikipe kuko ikipe ashaka kwerekezamo itigeze yandikira Rayon Sports isaba uyu mukinnyi.

Manishimwe Djabel yahanishijwe guhagarikwa ukwezi kose ndetse akazatanga ibisobanuro byo guta akazi agatererana ikipe.

Nova Bayama yahawe ibaruwa nyuma y’imyitozo ya nyuma yakoze kuri uyu wa Kabiri tariki 8 Mutarama 2018 mu gihe Manishimwe Djabel we bivugwa ko akiri muri Kenya.



Rayon Sports yafatiye ibihano bikarishye Nova Bayama na Djabel bayitereranye i Musanze

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble lulu

    muri rayon batanga umudendezo cyane kubakinnyi bagakabya, ahubwo ibyo bihano bororoheje cyane.

    4 months ago

Inzindi nkuru

Kirehe FC yahanitse agahimbazamusyi yahaga abakinnyi bayo kugira ngo...

Abakinnyi b’ikipe ya Kirehe FC baheruka guhembwa muri Mutarama uyu...
23 May 2019 Yasuwe: 1090 0

Diego Maradona yafungiwe ku kibuga cy’indege azira kwambura uwahoze ari...

Icyamamare mu mupira w’amaguru Diego Maradona yatangaje ko yafungiwe ku...
22 May 2019 Yasuwe: 1822 0

Jose Mourinho yatangaje inama ikomeye aherutse kugirwa na Cristiano...

Umutoza Jose Mourinho yatangaje ko yigeze kuganira n’umukinnyi ukomeye...
22 May 2019 Yasuwe: 3064 0

Rayon Sports yatomboye AS Kigali mu gihe APR FC ishobora kuzoroherwa...

Kuri uyu wa Gatatu taliki ya 22 Gicurasi 2019,nibwo amakipe yabashije...
22 May 2019 Yasuwe: 2140 0

Gasimba ararira ayo kwarika nyuma y’uko APR FC itsinzwe na Muhanga FC...

Umugabo witwa Harerimana Emmanuel uzwi ku izina rya Gasimba wo mu Mujyi wa...
22 May 2019 Yasuwe: 4385 1

Leta ya Washington muri US yemeye gukoresha imirambo nk’ifumbire

Leta ya Washington yabaye iya mbere mu zigize Leta Zunze Ubumwe z’Amerika...
22 May 2019 Yasuwe: 1604 0