Ikipe ya Rayon Sports inganyije na Miroplast igitego 1-1mu mukino w’umunsi wa 10 wa shampiyona wabereye ku kibuga cya Mironko mu gihe ikipe ya Kiyovu Sports yongeye gushimangira ubukaka bwayo itsinda Etincelles ibitego 3-0.
Nyuma yo gutsindwa na Etincelles FC igitego 1-0,Rayon Sports yongeye gutenguha abakunzi bayo kuko inganyije na Miloplast igitego 1-1,nubwo ariyo yafunguye amazamu ku gitego cyatsinzwe na Nahimana Shassir mu gice cya mbere,kikaza kwishyurwa na rutahizamu wa Miroplast (...)

Sponsored Ad

Ikipe ya Rayon Sports inganyije na Miroplast igitego 1-1mu mukino w’umunsi wa 10 wa shampiyona wabereye ku kibuga cya Mironko mu gihe ikipe ya Kiyovu Sports yongeye gushimangira ubukaka bwayo itsinda Etincelles ibitego 3-0.

Nyuma yo gutsindwa na Etincelles FC igitego 1-0,Rayon Sports yongeye gutenguha abakunzi bayo kuko inganyije na Miloplast igitego 1-1,nubwo ariyo yafunguye amazamu ku gitego cyatsinzwe na Nahimana Shassir mu gice cya mbere,kikaza kwishyurwa na rutahizamu wa Miroplast Akpom ukomoka muri Ghana.

Rayon Sports yaje muri uyu mukino ibura abakinnyi benshi barimo Niyonzima Olivier,Imanishimwe Djabel n’abandi batandukanye, nubwo yari yagaruye abasore 2 Kwizera Pierrot na Nahimana Shassir.

Kubura kwa bamwe mu bakinnyi b’iyi kipe niko kuri kuyikoraho kuko umutoza Karekezi asigaye abura amahitamo ku ntebe y’abasimbura biri gutuma atakaza amanota menshi.

Ku ruhande ruhande ikipe ya Kiyovu Sports yanyagiye ikipe ya Etincelles FC yari iherutse guhagama Rayon Sports,iyitsinda ibitego 3-0, byatsinzwe na Kakule Mugheni Fabrice, Nizeyimana Jean Claude Rutsiro na Mustapha Francis ihita ifata umwanya wa mbere n’amanota 20 cyane ko AS Kigali yanganyije na Bugesera FC 0-0.

Kugeza ubu Kiyovu Sports iyoboye urutonde rw’agateganyo rwa shampiyona n’amanota 20,ikurikiwe na AS Kigali ifite 18 mu gihe APR FC iri kumwanya wa 3 n’amanota .Rayon Sports ifite amanota 15.

Uko imikino y’uyu munsi yagenze

Miloplast 1-1 Rayon
Kiyovu 3-0 Etincelles
Bugesera 0-0 AS Kigali
Kirehe 0-0 Marines
Espoir 0-0 Mukura