Ikipe ya Real Madrid irifuza gushora akayabo ka miliyoni 90 ku bakinnyi babiri bakina mu makipe akomeye mu Bwongereza barimo Marcus Rashford ukinira Manchester United na Christian Eriksen ukinira Tottenham.

Sponsored Ad

Aba basore Real Madrid irashaka kubazana kugira ngo bayifashe kwiyubaka kuko batarabona umusimbura wa Cristiano Ronaldo ndetse na Luka Modric.

Real Madrid yakunze ukuntu Rashford yitwaye mu mukino Ubwongereza bwatsinzemo Croatia ibitego 2-1,imubonamo umusimbura mwiza wa Cristiano Ronaldo barekuye akigira mu ikipe ya Juventus.

Umutoza mushya wa Real Madrid,Santiago Solari akunda cyane Marcus Rashford ndetse yabwiye ubuyobozi bwe ko yifuza kumwubakiraho ubusatirizi bwa Real Madrid.

Real Madrid irashaka kugura miliyoni 40 Christian Eriksen kugira ngo asimbure Luka Modric umaze gukura ndetse wasabye iyi kipe ko yamurekura akigira mu Butaliyani mu ikipe ya Inter Milan.

Eriksen w’imyaka 26 asigaje amezi 18 ku masezerano afitiye Tottenham ndetse arifuza ko iyi kipe yamwongerera umushahara nkuko yabigenje kuri Dele Alli iherutse guha ibihumbi 150 ku cyumweru.


Real Madrid irifuza Rashford na Eriksen