Ikipe ya Real Madrid isezereye PSG mu mikino ya 1/16 cya UEFA Champions League iyitsinze ibitego 5-2 mu mikino yombi ubanza n’uwo kwishyura mu gihe Liverpool yo isezereye FC Porto ku kinyuranyo cy’ibitego 5-0 mu mikino yombi.
Kuri uyu wa Kabiri nibwo hari hatahiwe imikino yo kwishyura ya 1/16 cya UEFA Champions aho ikipe ya Real Madrid ibashije gusezerera PSG iyitsinze ibitego 2-1 byatsinzwe na Cristiano Ronaldo ku munota wa 51 na Casemiro ku munota wa 80 mu gihe igitego kimwe rukumbi cya (...)

Sponsored Ad

Ikipe ya Real Madrid isezereye PSG mu mikino ya 1/16 cya UEFA Champions League iyitsinze ibitego 5-2 mu mikino yombi ubanza n’uwo kwishyura mu gihe Liverpool yo isezereye FC Porto ku kinyuranyo cy’ibitego 5-0 mu mikino yombi.


Kuri uyu wa Kabiri nibwo hari hatahiwe imikino yo kwishyura ya 1/16 cya UEFA Champions aho ikipe ya Real Madrid ibashije gusezerera PSG iyitsinze ibitego 2-1 byatsinzwe na Cristiano Ronaldo ku munota wa 51 na Casemiro ku munota wa 80 mu gihe igitego kimwe rukumbi cya PSG cyatsinzwe na Edinson Cavani ku munota wa 71.

Ibi bitego 2-1 Real Madrid itsinze PSG bije byiyongera kuri 3-1 yayitsinze mu mukino ubanza wabereye ku kibuga Santiago Bernabeu biba 5-2 mu mikino yombi.

Ikipe ya Paris Sint Germain yarangije umukino ari abakinnyi 10 nyuma y’aho umusore Marco Verratti yahawe ikarita ya kabiri y’umuhondo ku munota wa 66 ikamuviramo iy’umutuku.

PSG yashoye amafaranga menshi igura abakinnyi bo kuyifasha mu mikino ya UEFA Champions League ariko isezerewe rugikubita aho benshi bibaza ahazaza h’umutoza Unai Emery wanenzwe na benshi mu mukino ubanza wabereye muri Espagne.

Ikipe ya PSG yaburaga Neymar Jr uheruka kubagwa kubera imvune ikomeye yagize ndetse akaba azamara amezi 3 adakina,yarushijwe bigaragara na Real Madrid ndetse benshi bemeza ko kuba iyitsinze mu mukino ubanza n’uwo kwishyura bigaragaza ubunararibonye bwa Real madrid muri iri rushanwa.

Mu wundi mukino wabaye kuri uyu wa Kabiri,ikipe ya Liverpool inganyije 0-0 na FC Porto gusa mu mukino ubanza Liverpool yari yayitsinze ibitego 5-0.