Kigali

Real Madrid yaguze Courtois itanga amafaranga n’umukinnyi

Imikino   Yanditswe na: Dusingizimana Remy 8 August 2018 Yasuwe: 2948

Ikipe ya Real madrid yamaze gusinyisha umunyezamu Thibaut Courtois ku kayabo ka miliyoni 38 z’amapawundi mu gihe Chelsea nayo yatijwe umukinnyi Matteo Kovacic ukina hagati mu kibuga.

Ibinyujije ku rubuga rwayo Chelsea yemeje aya makuru ko yamaze kurekura umunyezamu wayo wari umaze igihe ari nimero ya mbere ndetse yakiriye Matteo Kovacic.

Courtois yamaze kwerekeza muri Real Madrid

Yagize iti “Chelsea FC na Real Madrid bamaze kumvikana igiciro ku mukinnyi Thibaut Courtois muri iri joro,igisigaye n’uko akora ikizamini cy’ubuzima.Amakipe yombi yumvikanye ko Matteo Kovacic agomba kwerekeza muri Chelsea nk’intizanyo y’igihe kirekire.”

Courtois w’imyaka 26,yageze muri Chelsea 2015 ayikinira imikino 154,ayifasha gutwara ibikombe 2 bya Premier League ndetse na FA Cup imwe uyu mwaka.

Matteo Kovacic yageze muri Real Madrid mu mwaka wa 2015 avuye muri Inter Milan aho yatangiye mu kibuga imikino 37 gusa mu myaka 3 ishize.

Courtois yifuje kwerekeza i Madrid muri iyi mpeshyi kubera ko yifuzaga kubana n’abana be baba muri uyu mujyi,byatumye yanga kongera amasezerano mashya muri Chelsea.

Matteo Kovacic yamaze kwerekeza muri Chelsea

Chelsea yasimbuje Thibaut Courtois umusore w’imyaka 23 ukinira Athletic Bilbao Kepa Arrizabalaga yaguze akayabo ka miliyoni 72 z’amapawundi.

Thibaut Courtois azakora ikizamini cy’ubuzima muri Real Madrid ku munsi w’ejo, aho byitezwe ko azayisinyira amasezerano y’imyaka 6 ayikinira

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Manzi Thierry na Niyonzima Olivier baheruka gusezererwa na Rayon Sports...

Abakinnyi babiri Rayon Sports iheruka gusezerera barimo Manzi Thierry wari...
25 June 2019 Yasuwe: 2220 0

Paul Pogba yiyemeje kwisubirira mu ikipe ya Juventus gukinana n’umukinnyi...

Umufaransa Paul Pogba arifuza gusubira mu ikipe ya Juventus yavuyemo mu...
25 June 2019 Yasuwe: 2508 0

Luis Suarez yasekeje benshi kubera ibyo yakoreye umunyezamu wa Chile...

Benshi mu bakunzi ba ruhago bemeje ko umukinnyi Luis Suarez ashobora kuba...
25 June 2019 Yasuwe: 4615 0

Cristiano Ronaldo yongeye guca ibintu kubera amafoto yashyize hanze ari...

Rutahizamu Cristiano Ronaldo wa Juventus yongeye gutuma benshi bacika...
25 June 2019 Yasuwe: 3942 0

Louis Van Gaal yemeje ko Lionel Messi ariwe utuma FC Barcelona idatwara...

Umutoza Louis Van Gaal watoje amakipe akomeye arimo Ajax,FC...
25 June 2019 Yasuwe: 2664 2

AFCON 2019: Mali yahinduye isura y’igikombe cy’Afurika mu gihe Cote d’Ivoire...

Ikipe ya Mali yakoze amateka yo kuba ikipe ya mbere itsinze ibitego byinshi...
25 June 2019 Yasuwe: 2709 1