Kigali

Real Madrid yahaye Barcelona isomo rya ruhago mu mukino ubanza wa Super cup

Imikino   Yanditswe na: 13 August 2017 Yasuwe: 998

Kuri iki Cyumweru taliki ya 13 Kanama nibwo hari hateganyijwe umukino ubanza wa Super cup yo muri Espagne umukino wahuje Real Madrid yatwaye shampiyona na Barcelona yatwaye igikombe cy’umwami umukino wabereye ku kibuga Camp Nou birangira ku ntsinzi ya Real Madrid y’ibitego 3-1.

Nk’ uko bisanzwe kuri aya makipe igice cya mbere kirayagora kuko aba yigana ndetse arwana no kwinjira mu mukino kuko nta kipe iba ishaka kwinjizwa igtego hakiri kare ari nako byagenze muri uyu mukino kuko igice cya mbere cyarangiye ari 0-0.

Mu gice cya kabiri ikipe ya Barcelona yatangiye isatira Real Madrid cyane ko yari ku kibuga cyayo imbere y’abafana bayo gusa Real ikomeza kwihagararaho igacungira ku mipira Barcelona itakaje byanayifashije cyane kuko ku munota wa 50 ku mupira wazamukanwe na Marcelo yawuteye ashaka kuwerekeza mu rubuga rw’amahina gusa birangira Gerrard Pique awerekeje mu izamu rye kiba kiba igitego 1-0.

Nk’ikipe yari mu rugo Barcelona yasatiriye cyane kugira ngo yishyure iki gitego ndetse ikomeza kubona amakoruneri menshi maze ku munota wa 77 iza kubona Penaliti itavuzweho rumwe cyane ko amashusho yagaragaje ko umusore Luis Suarez yigushije birangira Messi ayiteye neza biba 1-1.

Ntabwo byatinze nyuma y’aho Cristiano Ronaldo aziye mu kibuga asimbura kuko yari yabanje hanze yafashije ikipe ya Real Madrid kubona igitego cya 2 ku mupira wazamukanywe na Isco aza kuwumuhereza asigaranye na Pique nawe ahita atera ishoti rikomeye Ter Stegen ntiyamenya uko bigenze.Uyu musore yaje kwishimira iki gitego akuramo umupira byamuhesheje ikarita y’umuhondo.

Nyuma yo kubona iyi karita y’umuhondo Cristiano Ronaldo yaje kuzamukana umupira awugeza mu rubuga rw’amahina aza kugwa hasi umusifuzi yemeza ko yigushije ndetse anamuha indi karita y’umuhondo uyu musore ahita asohoka mu kibuga gusa ibi byateje akavuyo gakomeye no kutumvikana ku makipe yombi.

Ubwo Real Madrid yari isigaye ari abakinnyi 10 ,yahise ikinira ku gitutu kuko Barcelona yayisatiriye bikomeye ishaka kwishyura ndetse yari ifite imbaraga kuko abakinnyi ba Real Madrid bari bake gusa yaje gutakaza umupira ku munota wa 90 wifatirwa na Lucas Vazquez wawuzamukanye yihuta cyane awuhereza Marco Asensio wahise uwutera ishoti rikomeye igitego cya 3 cya Real Madrid kiba kirinjiye.

Umukino wo kwishyura uzabera Santiago Bernabeu ku wa Gatatu taliki ya 16 Kanama 2017 aho Barcelona isabwa gutsinda ibitego 3-0 kugira ngo ikomeze.

Ibitecyerezo

  • Log in

    Amategeko n'amabwiriza birkurikizwa


  • chat_bubble KaKa

    Witubya, wipfobya.niba uri umufana wa Balca x amaze. Ni igitego 4.......

    August 2017

Inzindi nkuru

Chelsea yahawe urw’amenyo kubera umunyezamu ishaka gusimbuza Thibaut...

Ikipe ya Chelsea ishobora gutakaza Thibaut Courtois mu minsi mike,biravugwa...
18 July 2018 Yasuwe: 1559 0

Abashinzwe ikibuga cya stade ya Kigali basebeje Rayon Sports imbere ya USM...

Ku mugoroba wo ku munsi w’ejo tariki ya 17 Nyakanga 2018 nibwo byari...
18 July 2018 Yasuwe: 2931 1

Robertinho yatangaje byinshi ku mukino Rayon Sports icakirana na USM...

Umutoza wa Rayon Sports witwa Roberto Oliveira Goncalves do Carmo uzwi nka...
18 July 2018 Yasuwe: 1057 0

Zinedine Zidane ashobora kongera gukorana na Cristiano Ronaldo muri...

Kabuhariwe Zinedine Zidane ashobora gutangazwa nk’umuyobozi mushya w’imikino...
17 July 2018 Yasuwe: 2451 0

Wayne Rooney yatunguye benshi kubera umukinnyi yatangaje ko ari uwa mbere...

Rutahizamu Wayne Rooney wakiniye Manchester United ndetse akayibera...
17 July 2018 Yasuwe: 4064 1

Arsene Wenger yatangaje ikosa rikomeye yicuza mu gihe amaze ari...

Umutoza Arsene Wenger uherutse kwegura mu ikipe ya Arsenal yari amazemo...
17 July 2018 Yasuwe: 2527 0