Ikipe ya Real Madrid iri mu rugendo rwo kwiyubaka nyuma yo gutakaza Cristiano Ronaldo bigatuma imara umwaka itsindwa cyane,yamaze kwemera kugura rutahizamu Luka Jovic ukinira ikipe ya Eintracht Frankfurt akayabo ka miliyoni 51 z’amapawundi ndetse iyi mpeshyi irarangira ishoye akayabo ka miliyoni 460 z’amapawundi mu kugura abakinnyi.

Sponsored Ad

Nyuma yo kugarura Zinedine Zidane,Real Madrid yamuhaye miliyoni 460 yo kwiyubaka ahita agura myugariro wa FC Porto,Eder Militao akayabo ka miliyoni 43 z’amapawundi,none biravugwa ko yamaze kumvikana na rutahizamu w’imyaka 21 Luka Jovic kuri miliyoni 51 z’amapawundi.

Jovic uherutse gutsindira Eintracht Frankfurt igitego 1 ubwo banganyaga na Chelsea 1-1 muri UEFA Europa League,yamaze kumvikana na Real Madrid ndetse ngo igisigaye ni uko umwaka w’imikino urangira agashyira umukono ku masezerano y’imyaka 6 muri iyi kipe nkuko ikinyamakuru AS cyabitangaje.

Undi mukinnyi uraza gusinyira Real Madrid muri uku kwezi ni Eden Hazard wa Chelsea,kuko yamaze kumvikana nayo ndetse n’ikipe ye ya Chelsea ibiha umugisha gusa ngo izabitangaza mu minsi iri imbere cyane ko asigaje amasezerano y’umwaka umwe.

Abandi bakinnyi bagomba kugurwa muri izi miliyoni 460 z’amapawundi ni Paul Pogba wa United,Tanguy Ndombele wa Lyon na Christian Eriksen wa Tottenham.

Real Madrid yamaze kumvikana na Luka Jovic ndetse yiteguye kugura abandi bakinnyi bashya mu minsi mike