skol
fortebet

Real Madrid yaraye ikoze agahigo kabi cyane yaherukaga mu myaka 16 ishize

Yanditswe: Thursday 19, Sep 2019

Sponsored Ad

Ikipe ya Real Madrid ifatwa nk’umwami wa UEFA Champions League kubera umubare w’ibi bikombe irusha amakipe ayikurikiye,yaraye ikoze amahano yaherukaga mu mwaka w’imikino 2003-2004 yo kurangiza umukino idateye ishoti rigana mu izamu.

Sponsored Ad

Real Madrid imaze gutwara ibikombe 13 bya Champions League,yaraye itsinzwe ibitego 3-0 na PSG mu mukino wa mbere wo mu itsinda A baherereyemo.

Real Madrid uretse kuba yarushijwe bigaragara na PSG,yananiwe nibura gutera ishoti rigana mu izamu mu minota 90 y’umukino, ibintu yaherukaga mu myaka 16 ishize.

Inshuro Real Madrid yagerageje kubona izamu nibwo Bale yatsindaga igitego yakoze ku mupira n’ukuboko bituma igitego giteshwa agaciro ndetse n’ubu buryo ntibwabarwa.

Zidane wababajwe n’imikinire y’abakinnyi be yagize ati “Bari hejuru yacu muri buri kimwe bakoze no mu guhangana,ari nabyo byambabaje cyane.”

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa