Kigali

Real Madrid yasinyishije umukinnyi wigeze kuvunika abaganga bamubwira ko atazongera kugenda

Imikino   Yanditswe na: Dusingizimana Remy 20 June 2019 Yasuwe: 3455

Ikipe ya Real Madrid yaraye yerekanye ku mugaragaro myugariro mushya Ferland Mendy, wabwiye abafana bayo ko yigeze kugira imvune ikomeye yatumye abaganga bamubwira ko ashobora kutazongera kugenda no gukina umupira.

Mendy waturutse mu ikipe ya Lyon yabazwe inyonga y’itako afite imyaka 15 bituma agendera mu igare ry’abamugaye igihe kinini yaratakaje icyizere ko atazongera kugenda.

Uyu mukinnyi w’imyaka 24 ukina nka myigariro,aca ku ruhande rw’ibumoso, mu cyumweru gishize yaguzwe miliyoni 47 z’amapawundi,asinya amasezerano y’imyaka itandatu muri Real Madrid.

Mendy yagize ati: "Namaze igihe ngendera mu igare ry’abamugaye, namaze amezi hagati y’atandatu n’arindwi mu bitaro bamfasha kugira ngo nibura nzongere kubasha kugenda.

Bari barambwiye ko ntazongera gukina umupira ukundi. Ariko dore ubu ndi muri Real Madrid".

Mu myaka ibiri gusa ishize, Mendy yakiniraga ikipe ya Le Havre mu kiciro cya kabiri mbere yo kujya muri Lyon mu kwa gatandatu 2017. Yahise anahamagarwa mu ikipe y’Ubufaransa akina umukino we wa mbere mu Ugushyingo 2018, bakina na Uruguay.

Mendy avuga ko bitangira atumvaga ko koko yageze muri Real Madrid. Ati: "Iyi ni ikipe ikomeye cyane, kuyijyamo ni ikintu gishimishije cyane. Ndishimye birenze kandi nizeye ko byose bizagenda neza".

Kugura abakinnyi muri iyi mpenshi bimaze gutwara Real Madrid miliyoni 300 z’amapawundi.

Mu bandi baguze harimo; rutahizamu w’umubiligi Eden Hazard wavuye muri Chelsea ku ashobora kurenga miliyoni 150 z’amapawundi na rutahizamu w’umunya Serbia, Luka Jovic, wavuye mu Budage kuri miliyoni 53 z’amapawundi.


Inkuru ya BBC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Reba uburanga bw’inkumi yasezeranye na Rusheshagoga Michel kumubera...

Kuri uyu wa kabiri tariki ya 23 Nyakanga 2019, ni bwo Rusheshangoga Michel...
23 July 2019 Yasuwe: 160 0

Kirasa Alain yamaze kugirwa umutoza wungirije wa Rayon Sports

Umutoza Kirasa Alain wari umaze igihe atoza ikipe ya Kiyovu Sports yamaze...
23 July 2019 Yasuwe: 1425 0

Ulimwengu yavuze ku makuru avuga ko agiye kwerekeza mu ikipe ya APR...

Bimaze iminsi bivugwa ko APR FC ikataje mu rugamba rwo gushaka rutahizamu...
23 July 2019 Yasuwe: 2330 2

Zidane yatangaje ukuntu Gareth Bale aherutse kumusuzugura

Umutoza wa Real Madrid,Zinedine Zidane yatangaje ko umunya Wales Gareth...
23 July 2019 Yasuwe: 2112 0

Ikarita y’itora ntabwo izongera gukenerwa mu matora ari imbere mu...

Abadepite baraye batoye itegeko ngenga rigenga amatora,ryavanyeho ikarita...
23 July 2019 Yasuwe: 819 0

Antoine Griezmann yatangaje umukinnyi umwe rukumbi ukina muri Premier...

Rutahizamu mushya wa FC Barcelona, Antoine Griezmann yatangaje ko yishimiye...
22 July 2019 Yasuwe: 4129 0