skol
fortebet

Reba abakinnyi bahagaritswe igihe kinini kurusha Cristiano Ronaldo (amafoto)

Yanditswe: Wednesday 16, Aug 2017

Sponsored Ad

Ku wa Mbere taliki ya 14 Kanama nibwo inkuru yabaye kimomo ko Cristiano Ronaldo yahagaritswe imikino itanu nyuma yo gusunika umusifuzi Ricardo De Burgos Bengoetxea wayoboye umukino ikipe ya Real Madrid yatsinzemo FC Barcelona ibitego 3-1.
Ibi byabaye mu ijoro ryo ku cyumweru taliki ya 13 Kanama aho bari mu mukino ubanza wa super cup igikombe gihuza ikipe yatwaye La Liga n’ikipe yatwaye igikombe cy’umwami. Umuryango.rw, wagukusanyirije abandi bakinnyi bahanwe ibihano bikarishye kurusha (...)

Sponsored Ad

Ku wa Mbere taliki ya 14 Kanama nibwo inkuru yabaye kimomo ko Cristiano Ronaldo yahagaritswe imikino itanu nyuma yo gusunika umusifuzi Ricardo De Burgos Bengoetxea wayoboye umukino ikipe ya Real Madrid yatsinzemo FC Barcelona ibitego 3-1.

Ibi byabaye mu ijoro ryo ku cyumweru taliki ya 13 Kanama aho bari mu mukino ubanza wa super cup igikombe gihuza ikipe yatwaye La Liga n’ikipe yatwaye igikombe cy’umwami. Umuryango.rw, wagukusanyirije abandi bakinnyi bahanwe ibihano bikarishye kurusha ibi bya Cristiano Ronaldo.

1.Eric Cantona (1995) – Amezi 9

Uyu wahoze ari umukinnyi wa Manchester United yahagaritswe amezi 9 nyuma yo gusohorwa mu kibuga mu mukino iyi kipe yakinaga na Crystal Palace mu mwaka wa 1995 agahita akubita umugeri nk’uwa abakina kung Fu umufana w’iyi kipe byatumye akanama kamwigaho kamuhagarika amezi 9 adakina.

2.Paulo Di Canio (1998 –Imikino 11

Ubwo ikipe ye ya Shiffield Wadnesday yakinaga na Arsenal mu mwaka wa 1998 uyu mugabo nawe ntiyashimishijwe n’ ibyo umusifuzi Paul Alcock yasifuraga ahita amwegera umusunika hasi bya Kinyamaswa uyu musifuzi ashinga umutwe hasi byatumye bamuha iki gihano.

3.Joey Barton (2012) -Imikino 12

Uyu Mwongereza ikinyabupfura cye kigerwa ku mashyi kuko mu mwaka wa 2012 ubwo ikipe ye ya Queen’s Park Rangers yakinaga na Manchester City ku mukino wa nyuma wa shampiyona ya 2011-2012 uyu musore yahawe ikarita itukura kubera gutera inkokora umukinnyi Carlos Tevez yanga gusohoka ahita atangira intambara n’abakinnyi b’iyi kipe byatumye hitabazwa abashinzwe umutekano kugira ngo bamusohore mu kibuga.

4.Luis Suarez (2014) –amezi 4

Ubwo ikipe ya Uruguay yakinaga n’Ubutaliyani mu gikombe cy’isi cya 2014 cyabereye muri Brazil,uyu musore usanzwe akinira ikipe ya FC Barcelona yarumye umusore Georgio Chiellini ku bushake bituma ahagarikwa na FIFA amezi 4 atagaragara mu bikorwa byose bya ruhago ndetse ahagarikwa imikino 9 mu mikino mpuzamahanga.

Si iyi nshuro gusa kuko akiri mu Bwongereza uyu musore nabwo yarumye umukinnyi Branislav Ivanovic mu mukino wa shampiyona Ikipe ya Liverpool yakiniraga yahuragamo na Chelsea mu kwezi kwa kane 2013 kuri iyi nshuro yahagaritswe imikino imikino 10.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa