Kigali

Reba abakinnyi bahenze ku isi kuri buri mwanya mu Kibuga

Imikino   Yanditswe na: 7 September 2017 Yasuwe: 1912

Mu mpera z’ukwezi gushize nibwo hasojwe isoko ryo kugura no kugurisha abakinnyi aho benshi mu bakinnyi bagiye bahindura amakipe ndetse amakipe atandukanye ku mugabane w’I Burayi ashobora amafaranga menshi bitewe n’abakinnyi akeneye.

Kuri ubu Umuryango wabateguriye abakinnyi 11 baguzwe amafaranga ugendeye kuri buri mwanya ukinwa mu kibuga.

Mu izamu :Ederson Moraes

Ederson Moraes yavuye muri Benfica yerekeza muri Manchester City kuri Miliyoni 34 n’ibihumbi 700 by’amapawundi mu mpeshyi z’uyu mwaka aho yaciye agahigo kari gafitwe na Gianluigi Buffon ubwo yajyaga muri Juventus avuye muri Palma mu mwaka wa 2001.

Ba myugariro

Inyuma ku ruhande rw’iburyo

Kyle Walker : uyu mwongereza ukina aho dusanzwe tuzi nko kuri Kabiri, niwe umaze kugurwa amafaranga menshi ku mwanya we aho yatanzweho akayabo ka miliyoni 50 z’amapawundi n’ikipe ya Manchester City mu mpeshyi z’uyu mwaka imukuye mu ikipe ya Tottenham.

Inyuma ku ruhande rw’ibumoso

Benjamin Mendy

Uyu mufaransa ukiri muto niwe wahenze cyane mu bakinnyi bakina kuri gatatu aho yaguzwe n’ikipe ya Manchester City akayabo ka miliyoni 52 z’amapawundi avuye muri Monaco uyu mwaka.

Ba myugariro bo hagati

David Luiz

Uyu myugariro w’umunya Brazil ubwo yavaga muri Chelsea yerekeza mu ikipe ya PSG muri 2014, yaguzwe akayabo ka miliyoni 50 z’amapawundi aba ariwe mukinnyi wugarira wa mbere uguzwe amafaranga menshi.

John Stones

Uyu mwongereza ukiri muto nawe n’undi myugariro waguzwe menshi kuko ubwo yavaga muri Everton yerekeza muri Manchester City umwaka ushize, yaguzwe akayabo ka miliyoni 47 n’ibihumbi 500 by’amapawundi.

Abakinnyi bo hagati

Paul Pogba

Uyu mufaransa ukina hagati mu kibuga yaguzwe akayabo ka miliyoni 89 z’amapawundi ubwo yavaga muri Juventus yerekeza muri Manchester United umwaka ushize.

Angel Di Maria

Uyu nawe ni umukinnyi w’umunya Argentina usanzwe akina aca ku ruhande rw’iburyo niwe waguzwe amafaranga menshi ukina kuri uyu mwanya aho yaguzwe miliyoni 59 n’ibihumbi 700 ubwo yavaga muri Real Madrid yerekeza muri Manchester United muri 2014.

James Rodriguez

Uyu n’undi mukinnyi wahenze ukina mu kibuga hagati aho yaguzwe akayabo ka miliyoni 63 z’amapawundi ubwo yavaga muri Monaco yerekeza muri Real Madrid mu mwaka wa 2014.

Ba Rutahizamu

Gareth Bale

Uyu munya Wales ukina asatira yaguzwe akayabo ka miliyoni 85 z’amapawundi ubwo yavaga muri Tottenham yerekeza muri Real Madrid mu mwaka wa 2013.

Neymar

Uyu niwe mukinnyi uhenze ku isi aho aherutse kugurwa akayabo ka miliyoni 198 z’amapawundi mu minsi ishize ubwo yavaga mu ikipe ya FC Barcelona yerekeza muri Paris Saint Germain.

Ousmane Dembele

Uyu ni umufaransa w’imyaka 20 uherutse kuva muri Borussia Dortmund yerekeza muri FC Barcelona aho yaguzwe akayabo ka miliyoni 135 n’ibihumbi 500 by’amapawundi.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ronaldinho yanyomoje ibyo kurongora abakobwa babiri

Kabuhariwe Ronaldinho yatunguye isi yose ubwo yanyomozaga amakuru yo...
26 May 2018 Yasuwe: 1348 0

Byinshi ukwiriye kumenya kuri Livepool na Real Madrid zirakina uyu...

Umunsi wari utegerejwe na benshi wageze aho amakipe yahize ayandi mu...
26 May 2018 Yasuwe: 759 0

AS Kigali inyagiye Bugesera biyifasha gusatira APR FC

Ikipe ya AS Kigali igaragaje ko igifite gahunda yo guhanganira igikombe cya...
25 May 2018 Yasuwe: 1527 0

Reba amafoto ya bamwe mu bagore n’abakunzi b’abakinnyi ba Real Madrid na...

Ku munsi w’ejo nibwo kuri stade ya NSC Olimpiyskiy Stadium iherereye mu mugi...
25 May 2018 Yasuwe: 4627 1

Mayweather yongeye kwifotoza afite akayabo k’ amadolari umukobwa ari...

Kabuhariwe mu iteramakofe Floyd Mayweather yongeye kwereka isi yose ko ari...
25 May 2018 Yasuwe: 2021 0

Cristiano Ronaldo yatangaje myugariro wamugoye kurusha abandi

Kabuhariwe Cristiano Ronaldo umaze gutsinda ibitego birenga 500 mu mateka...
25 May 2018 Yasuwe: 4081 0