Kigali

RIB yataye muri yombi Umunyamabanga Mukuru wa FERWAFA n’ushinzwe amarushanwa bakekwaho gushaka guha ruswa umusifuzi Pavaza

Imikino   Yanditswe na: Dusingizimana Remy 13 September 2018 Yasuwe: 2673

Ku munsi w’ejo taliki ya 12 Nzeri 2018, Urwego rw’Igihugu rw’Ubugenzacyaha (RIB),rwataye muri yombi Umunyamabanga Mukuru w’Ishyirahamwe ry’Umupira w’amaguru mu Rwanda (FERWAFA), Francois Regis Uwayezu, na Komiseri ushinzwe amarushanwa, Eric Ruhamiriza bakekwaho icyaha cyo gushaka guha ruswa umusifuzi Jackson Pavaza wasifuye umukino w’Amavubi na Cote d’Ivoire.

Nkuko umusifuzi Jackson Pavaza yabitangarije ikinyamakuru Namibian Sun cy’iwabo,Ku Cyumweru mbere y’umukino w’Amavubi na Cote d’Ivoire ,yegerewe n’abagabo babiri barimo umunyamabanga wa FERWAFA, Francois Regis Uwayezu na Ruhamiriza Eric bamuha ibahasha ya kaki yarimo amadolari,arayanga, ababwira ko atarya ruswa kuko ari inyangamugayo igendera ku mabwiriza ya CAF,none byarangiye na RIB itaye muri yombi aba bagabo.

Pavaza yashinje Uwayezu na Ruhamiriza gushaka kumuha ruswa mbere y’umukino w’amavubi na Cote d’Ivoire

Umuvugizi wa RIB, Modeste Mbabazi, yabwiye abanyamakuru ko aba bagabo babiri batawe muri yombi kugira ngo hakorweho iperereza kuri iyi ruswa umusifuzi Jackson Pavaza avuga ko yahawe nabo, Tariki ya 8 Nzeri 2018, mbere y’uko Amavubi akina na Cote d’Ivoire.

Yagize ati “Bafunzwe nimugoroba, icyaha cyabaye umunsi umwe mbere y’uko umukino uba. Bafungiye ku Kimihurura […] Barakekwa, hakacyasuzumwa niba ibivugwa ari ukuri koko”.

Ku munsi w’ejo FERWAFA yasohoye itangazo rigenewe abanyamakuru inyomoza ibyo Pavaza yatangaje,ivuga ko ibyo uyu musifuzi yatangaje ari ibinyoma byambaye ubusa amafaranga yahawe ari ayo CAF itegeka amashyirahamwe ya ruhago guha abasifuzi mu rwego rwo kubafasha mu ngendo.

Amabwiriza ya CAF ategeka ko iyo abasifuzi bageze mu gihugu barasifuriramo, ishyirahamwe ry’umupira w’amaguru ryabo rigomba kubafasha mu ngendo, bityo ishyirahamwe ry’umupira w’amaguru muri Namibia ryasabye FERWAFA ko babaha amafaranga bakazayabasubiza ,birangira uyu musifuzi abashinje ruswa cyane ko uyu Pavaza yasabye amadolari 230 abayobozi ba FERWAFA bakagira ngo niyo buri musifuzi bari kumwe akeneye bayakuba kane.

Pavaza akibona ko bazanye menshi yaketse ko ari ruswa aba bagabo bo muri FERWAFA bashakaga kumuha,nyamara baribeshye bakuba amafaranga yari yasabye kane kuko yari kumwe n’abasifuzi 3 kandi bose bari bakeneye aya 230,niko guhita ajya kubarega muri CAF.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umukinnyi Serge Aurier yatawe muri yombi azira gukubita umugore...

Myugariro w’ikipe ya Tottenham Serge Aurier yatawe muri yombi mbere...
16 January 2019 Yasuwe: 1440 0

Solskjaer yandagaje Mourinho kubera imitoreze ye muri Manchester...

Umutoza mushya wa Manchester United,Ole Gunnar Solskjaer yavuze ko...
16 January 2019 Yasuwe: 1809 0

Rayon Sports yatangiye gushaka rutahizamu usimbura Caleb ugiye...

Ikipe ya Rayon Sports iri mu biganiro n’umukinnyi wa Sunrise witwa Jules...
16 January 2019 Yasuwe: 3960 0

Radiant yahaye Rayon Sports miliyoni 34 zo kwishyura ya bisi imaze igihe...

Ikigo cy’ubwishingizi cya Radiant cyamaze gushyikiriza Rayon Sports akayabo...
15 January 2019 Yasuwe: 2711 1

Umukinnyi ukomeye yafashwe amashusho ari kwikinishiriza mu muhanda...

Umunya Irlande witwa Gavin Whyte ukinira ikipe ya Oxford United,yatawe muri...
15 January 2019 Yasuwe: 3022 0

Petr Cech wigaragaje cyane muri Premier League yatangaje ko agiye...

Umunyezamu uri mu beza babayeho muri Premier League,Petr Cech usanzwe...
15 January 2019 Yasuwe: 852 0