Kigali

Robertinho arifuzwa cyane n’ikipe ya Gor Mahia

Imikino   Yanditswe na: Dusingizimana Remy 16 November 2018 Yasuwe: 1584

Ikipe ya Gor Mahia yamaze gutandukana n’umutoza wayo Dylan Kerr irifuza umutoza Roberto Oliveira Goncalves de Carmo “Robertinho” utoza Rayon Sports kugira ngo amusimbure.

Robertinho wahereye isomo rya ruhago Gor Mahia imbere y’abafana bayo mu mikino y’amatsinda ya CAF Confederations Cup Rayon Sports iherutse gukoreramo amateka,yabengutswe n’abayobozi b’iyi kipe yo muri kenya ndetse biravugwa ko bifuza kumuha akayabo kugira ngo abatoze.

Gor Mahia irifuza guha akazi Robertinho

Robertinho afitanye amasezerano na Rayon Sports azarangira mu kwezi gutaha bishobora gutuma yerekeza muri Kogalo igihe cyose ubuyobozi bwa Rayon Sports butagize icyo bukora.

Gor Mahia FC yatwaye ibikombe 17 bya shampiyona muri Kenya,yatandukanye n’umwongereza Dylan Kerr ku munsi w’ejo Taliki ya 15 Ugushyingo 2018 ku bwumvikane bw’impande zombi,bityo ku rutonde rw’abatoza bo kumusimbura harimo Robertinho ukina umupira utari umupapirano.

Amakuru agera ku Umuryango ni uko abayobozi ba Gor Mahia bamenye neza ko bazatandukana na Kerr nyuma yo gutsindwa na Everton ibitego 4-0 mu mukino wa gicuti baheruka gukinira mu Bwongereza,byatumye batangira guhamagara Robertinho kuri telefoni ndetse ngo ibiganiro bigeze kure.

Robertinho yageze muri Rayon Sports mu mpera za Kamena 2018 ayifasha kugera muri ¼ cy’imikino ya Total CAF Confederations Cup kandi yari imaze gutakaza abakinnyi ngenderwaho.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble KA.DO

    Nyamuneka bayobozi ba rayon mudufashe ntaducike rwose musanzwe mutubera aho tutari mubyigeho turacyamukeneye

    November 2018

Inzindi nkuru

Hamza Runaniza wakiniraga Marines FC yasinye imyaka 4 muri Rayon...

Myugariro ukiri muto wakiniraga ikipe ya Marines FC witwa Runanira...
19 June 2019 Yasuwe: 2231 0

Kiyovu Sports na AS Kigali zamaze gusaba umujyi wa Kigali ko wazihuza...

Abayobozi b’amakipe 2 akomeye mu mujyi wa Kigali ariyo AS Kigali na Kiyovu...
19 June 2019 Yasuwe: 1406 0

PSG yasabye Real Madrid umukinnyi wayo ukomeye kugira ngo ibahe Neymar...

Ikipe ya PSG irifuza kugurisha umukinnyi Neymar Jr mu ikipe iyo ariyo yose...
19 June 2019 Yasuwe: 3736 0

Lionel Messi yategetse ubuyobozi bwa FC Barcelona gusinyisha vuba...

Kapiteni FC Barcelona yirengagije ibyamubayeho mu minsi ishize muri Copa...
19 June 2019 Yasuwe: 2849 0

Biravugwa: Hakizimana Muhadjiri yamaze kumvikana n’ikipe ya AS VITA...

Ikipe ya AS Vita Club yo mu mujyi wa Kinshasa muri RDC, yamaze kumvikana na...
19 June 2019 Yasuwe: 2523 0

CAF yatangaje ingano y’amadolari azahembwa ikipe izegukana igikombe cya...

Impuzamashyirahamwe y’umupira w’amaguru muri Afrika CAF,yamaze gutangaza ko...
19 June 2019 Yasuwe: 1938 0