Kigali

Robertinho yahaye isezerano abakunzi ba Rayon Sports mbere yo gusubira muri Brazil

Imikino   Yanditswe na: Dusingizimana Remy 15 August 2019 Yasuwe: 8252

Uwari umutoza wa Rayon Sports,Roberto Oliveira Goncalves do Carmo uzwi nka Robertinho yabwiye abakunzi bayo ko ayikunda ndetse yifuza kuzongera gukorana nayo mu gihe kizaza.

Uyu mutoza waryohewe no kuba mu Rwanda ndetse n’urukundo abafana ba Rayon Sports bamweretse yabwiye Radio Flash ko akunda Rayon Sports cyane ndetse abaha isezerano ko azongera gukorana nayo mu gihe kizaza.

Yagize ati “Rayon Sports izahora ku mutima wanjye kuko nari mfite imibanire myiza na buri wese ufite aho ahuriye na Rayon Sports.Ndabwira buri wese ko nkunda Rayon Sports.Nifuzaga gukomezanya nayo ariko ntibikunze gusa amahirwe menshi mu gihe kizaza nzakorana nayo kubera urukundo nyifitiye.”

Biravugwa ko ubuyobozi bwa Rayon Sports bwahisemo gutandukana na Robertinho kubera kwanga gukoresha imyitozo kabiri ku munsi,gutinya imikino ya gicuti ngo itagaragaza ko ari ku rwego rwo hasi ndetse ngo yatumaga abakinnyi bakora ibyo bishakiye kubera ko nta gitsure yabashyiragaho,n’ibindi.Robertinho arasubira muri Brazil kuri uyu wa Gatanu.

Umuvugizi wa Rayon Sports,Nkurunziza Jean Paul yatangarije The New Times ko ngo bari kuganira n’abatoza benshi bo hanze n’abo mu Rwanda ndetse ngo mu minsi mike baratangaza umutoza mushya uzatoza umukino wo kwishyura wa Al Hilal.

Amakuru aravuga ko Masudi Irambona Djuma ariwe ufite amahirwe menshi yo gutoza Rayon Sports kuko ngo abayobozi baganirije Mashami Vincent akababwira ko acyizeye kuzabona akazi mu ikipe y’igihugu.


Masudi niwe uhabwa amahirwe menshi yo gusimbura Robertinho

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ubuyobozi bwa Rayon Sports bwavuze uburyo bwaguze abakinnyi batandukanye...

Ni nyuma yaho abakinnyi bagera kuri 24 bakina mu Rwanda bafite indangamuntu...
17 August 2019 Yasuwe: 3816 0

Arsenal yahagaritse agahigo kabi yari imaranye imyaka 10 yikurikiranya ubwo...

Ikipe ya Arsenal yari imaze imyaka 10 idatsinda imikino 2 ifungura...
17 August 2019 Yasuwe: 1769 0

CAF yasubije Rayon Sports yayandikiye iyisaba ko umukino izakirwamo na Al...

Impuzamashyirahamwe y’Umupira w’Amaguru muri Afurika, CAF, yateye utwatsi...
17 August 2019 Yasuwe: 2410 1

Bayern Munich yatijwe Coutinho wabuze umwanya wo gukina muri FC...

Ikipe ya FC Bayern Munichen itarigaragaje ku isoko ryo kugura abakinnyi...
17 August 2019 Yasuwe: 1310 0

APR FC yanyagiye Muzinga ihagarariye Uburundi mu marushanwa ya...

Ikipe ya APR FC ihagarariye u Rwanda mu irushanwa rya gisirikare yanyagiye...
17 August 2019 Yasuwe: 3606 0

Abatoza barenga 50 bari guhatanira umwanya wo gusimbura Robertinho muri...

Abatoza basaga 50 baturuka hirya no hino ku isi bamaze gutanga impapuro...
17 August 2019 Yasuwe: 3348 0