Kigali

Robertinho yatangaje amagambo akomeye nyuma yo gutombora Enyimba FC

Imikino   Yanditswe na: Dusingizimana Remy 4 September 2018 Yasuwe: 6704

Umutoza wa Rayon Sports Roberto Oliveira Goncalves do Carmo uzwi nka Robertinho yavuze ko ikipe ye ntawe igomba gutinya kuko afite intego yo kuyigeza ku mukino wa nyuma wa CAF Confederations Cup uyu mwaka.

Mu kiganiro Robertinho yagiranye na Radio Flash FM ari mu gihugu cya Brazil mu karuhuko gato arimo,yayibwiye ko irushanwa rigeze ahkomeye ndetse Rayon Sports nta kipe yavuga ko yoroshye ariko we n’abakinnyi be bafite intego yo gutsinda kandi biteguye.

Robertinho arifuza kugera ku mukino wa nyuma wa CAF Confederations Cup

Yagize ati “Ndatekereza ko kuri uru rwego tugezeho tutavuga ko twifuza guhura n’ikipe runaka kuko buri kipe yahageze ikomeye ndetse ifite intego yayo.Rayon Sports ifite intego yo gutsinda kugeza ku musozo w’irushanwa,ni ukuvuga ko twiteguye.Tuzakinira umukino ubanza mu rugo dusoreze hanze ariko ikintu cy’ingenzi ni uko Rayon Sports ifite ubunararibonye muri iri rushanwa,ndatekereza ko twiteguye.Tuzahitamo ikipe izakina uyu mukino kuko haracyari igihe kandi ni byiza ko hari abakinnyi tuzagarura bari barahagaritswe.

Intego yacu ni ukugera kure ndetse turifuza kugera ku mukino nyuma,turabishaka kandi n’abakinnyi banjye niko bameze.Gusa turabizi ko buri mukino uzaba ugoye ndetse tugomba kubaha buri mukino kuko tuzi ko nandi makipe aratwubaha.Twageze kuri uru rwego kuko twari tubikwiriye,mfitiye icyizere abakinnyi banjye,n’akazi dukora.Dufite intego yo gukora ibishoboka byose kugira ngo dutsinde buri mukino.Tugomba gutegura umukino ku mukino.

Robertinho yabwiye abanyamakuru ko kuva yatangira gutoza,intego ye aba ari uguhesha ikipe atoza igikombe gikomeye ndetse avuga ko niba hari umukinnyi wa Rayon Sports udashaka gutwara ibikombe,batari kumwe.

Robertinho yavuze ko abakinnyi be biteguye guhangana na Enyimba FC

Biteganyijwe ko Robertinho azagaruka mu Rwanda ku wa 11 Nzeri uyu mwaka,kugira ngo afashe abakinnyi kwitegura umukino ubanza wa Enyimba Fc,uzaba ku wa 16 Nzeri 2018 kuri stade ya Kigali I Nyamirambo.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abajura 3 bafashwe bagiye kwiba mu rugo rw’ umuherwe David Beckham

Abagabo batatu bambaye masks bafashwe na camera za CCTV bari kugerageza...
22 October 2018 Yasuwe: 1068 0

Vidic wahoze ari kapiteni wa Manchester United yatangaje rutahizamu...

Myugariro Nemanja Vidic wabaye kapiteni wa Manchester United ubwo yatozwaga...
22 October 2018 Yasuwe: 1661 0

Perezida wa FC Barcelona yavuze byinshi ku byerekeye kugarura Neymar...

Umuyobozi wa FC Barcelona,Josep Maria Bartomeu yavuze ko nta gahunda bafite...
22 October 2018 Yasuwe: 1114 0

Bimenyimana Bonfils Caleb yihaye intego ikomeye muri uyu mwaka...

Rutahizamu wa Rayon Sports uhagaze neza cyane,Bimenyimana Bonfils Caleb...
22 October 2018 Yasuwe: 1499 0

Umwarimu yaciye umutwe umukunzi we wanze ko bashyingiranwa

Umwarimu witwa Shyngys Bekenov w’imyaka 26 ukomoka muri Kazakhstan,yakoze...
22 October 2018 Yasuwe: 674 0

Abatoza babiri bazavamo usimbura Julen Lopetegui muri Real Madrid bamaze...

Ikipe ya Real Madrid iri mu nzira zo kwirukana umutoza wayo Julen Lopetegui...
22 October 2018 Yasuwe: 1640 0