Kabuhariwe Luis Nazario de Lima uzwi nka Ronaldo mukuru yatangaje ko nubwo ikipe ya Real Madrid yatakaje Cristiano Ronaldo ariyo aha amahirwe menshi yo kongera kwisubiza igikombe cya UEFA Champions League ku nshuro ya kane yikurikiranya.

Sponsored Ad

Uyu mugabo wasezeye kuri ruhago ariko akaba akigaragara mu bikorwa byinshi bya FIFA,yatangaje ko ikipe ya Real Madrid igifite ikipe ikomeye ndetse biagorana kuyambura igikombe cya UEFA Champions League uyu mwaka.

Ronaldo Nazario yavuze ko Real Madrid izisubiza Champions League ku nshuro ya 4 yikurikiranya

Yagize ati “Ndaha amahirwe menshi Real Madrid kuko iracyari ikipe ikomeye nyuma yo kwegukana UEFA Champions League 4 muri 5 ziheruka.Ifite abakinnyi beza kandi imenyereye irrushanwa kurusha andi makipe.FC Barcelona nayo nayiha amahirwe yon a Atletico Madrid kuko yongereye abakinnyi.”

Ronaldo Nazario yavuze ko umwanzuro wa Cristiano Ronaldo wo kwerekeza muri Juventus ari mwiza kuko yifuzaga impinduka ndetse yemeza ko Zinedine Zidane bakinannye muri Real Madrid yamutunguye ubwo yeguraga muri iyi kipe.

Real Madrid iri mu itsinda G muri UEFA Champions League 2018/2019

Ronaldo yakiniye amakipe 5 yabashije gutwara igikombe cya UEFA Champions League gusa we ntiyigeze ayegukana mu mateka ye nk’umukinnyi.