Umukinnyi Didier Drogba wamamaye cyane mu ikipe ya Chelsea no muri Cote d’Ivoire,agiye kuza mu Rwanda kwitabira Inama Mpuzamahanga ku kuboneza urubyaro iteganyijwe hagati ya tariki 12-15 Ugushyingo 2018.

Sponsored Ad

Uyu rutahizamu wafashije Chelsea FC kwegukana UEFA Champions League mu mwaka wa 2012,ari mu bantu barenga 3000 bo mu bihugu 110,bazitabira iyi nama.

Iyi nama izitabirwa n’abayobozi bakomeye ku isi n’abagore b’ibyitegererezo mu ngeri zitandukanye ku isi.

Uyu munyabigwi wa Chelsea FC,Drogba yayitsindiye ibitego 157 mu mikino 341 kuva ayigezemo muri 2004 avuye muri Marseille kugeza 2012, atwara ibijkombe bitatu bya Shampiyona ya Premier League na kimwe cya Champions League.

Drogba yakiniye andi makipe arimo Shanghai Xenhua yo mu Bushinwa na Galatasaray yo muri Turikiya.

Yagarutse muri Chelsea mu mwaka w’imikino 2014-2015, atsinda ibitego birindwi mu mikino 40,afasha José Mourinho wayitozaga gutwara shampiyona.

Drogba yakomereje muri Montreal Impact aho yamaze amezi 18 mbere yo kwerekeza muri Phoenix Rising agikinira.