Kigali

Rutahizamu w’ikipe y’igihugu cya Tunisia ashobora gufatirwa ibihano bikakaye nyuma yo gukubita umutozi w’ikipe y’igihugu cya Senegal

Imikino   Yanditswe na: Martin Munezero 15 July 2019 Yasuwe: 4490

Rutahizamu w’ikipe y’igihugu ya Tunisia, Wahbi Khazri, ashobora guhagarikwa mu bikorwa by’umupira w’amaguru azira gukubita ingumi Aliou Cisse utoza ikipe y’igihugu ya Senegal.

Ibi uyu rutahizamu wa Tunisia yabikoze ku munsi w’ejo, nyuma y’umukino wa 1/2 cy’irangiza cy’igikombe cya Afurika Senegal yari imaze gutsindamo Tunisia igitego kimwe ku busa.

Igitego cyo ku munota w’ijana myugariro wa Tunisia, Dylan Blonn yitsinze ni cyo cyafashije Les Lions de La Teranga kugera ku mukino wa nyuma wa CAN, aho igomba guhurira na Algeria yasezereye Nigeria ku bitego bibiri kuri kimwe.

Wahbi Khaziri wari ufite amahane menshi cyane muri uyu mukino, yagaragaye akubita ingumi Alliou Cisse, nyuma yo kugerageza gushyamirana n’abakinnyi ba Senegal mu minota ya nyuma y’umukino ariko umusifuzi ntatume biba.

Umukino wa Senegal na Tunisia usa n’uwaranzwe n’ibitangaza, kuko uretse kuba amakipe yombi yarahushije ibitego byinshi mu minota 90 y’umukino, buri kipe yanahushije penaliti. Tunisia yabonye penaliti ku munota wa 73 birangira Ferjani Sassi ayitaye mu ntoki z’umuzamu Alfredi Gomis, mbere y’iminota ine y’uko Henri Saivet atera penaliti igakurwamo n’umuzamu Hassan Mouez wa Tunisia.

Byabaye ngombwa ko hiyambazwa iminota 30 ya kamarampaka maze Senegal ibasha gutsinda igitego kimwe.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Cristiano Ronaldo yatunguye benshi kubera amarenga yaciye y’igihe...

Rutahizamu wa Juventus,Cristiamo Ronaldo,yatangarije kuri televiziyo ya...
21 August 2019 Yasuwe: 1954 0

Mashami Vincent yahawe amasezerano y’amezi 3 anahabwa inshingano 3...

Umutoza w’ikipe y’igihugu Amavubi, Mashami Vincent,uherutse kongererwa...
21 August 2019 Yasuwe: 1020 0

Umutoza Solskjaer yemeje umukinnyi ugomba kujya atera penaliti za...

Nyuma y’aho Paul Pogba ahushije penaliti ku mukino wabahuje na Wolves...
21 August 2019 Yasuwe: 2261 0

Robertinho yavuze ibibazo 2 by’ingutu byatumye asezera mu ikipe ya Rayon...

Umutoza Roberto Oliveira Gonçalves do Carmo uzwi nka Robertinho wamaze...
21 August 2019 Yasuwe: 4106 1

Umukunzi wa Cristiano Ronaldo yongeye gushyira hanze amafoto ashotora...

Umukunzi wa Cristiano Ronaldo witwa Georgina Rodriguez yongeye kuvugisha...
20 August 2019 Yasuwe: 6341 1

APR FC yateye intambwe ikomeye iyiganisha ku gutwara igikombe cy’irushanwa...

Ikipe ya APR FC ihagarariye igisirikare cy’u Rwanda mu mikino ihuza ingabo...
20 August 2019 Yasuwe: 2908 1