Kigali

Rutahizamu w’ikipe ya Saint Etienne wemeye gukinira ’Amavubi’ agahita avunika yagarutse mu kibuga

Imikino   Yanditswe na: Martin Munezero 8 October 2019 Yasuwe: 2607

Nyuma yo kwemera gukinira u Rwanda, rutahizamu wa Saint Etienne, Kevin Monnet-Paquet yahise ahura n’ikibazo cy’imvune yatumye u Rwanda rutamwitabaza mu mikino rwakinnye mu mezi 8 ashize, ubu uyu musore yamaze gukira neza ku buryo ashobora noneho kwitabazwa ku mikino iri imbere Amavubi azakina.

Mu mpera z’umwaka ushize mu Gushyingo, ni bwo uyu mukinnyi yafashe umwanzuro avuga ko yumva igihe kigeze ngo abe yakinira ikipe y’igihugu nyina umubyara akomokamo.

Kevin ubu yamaze kumera neza cyane

Muri Gashyantare 2019 yaje kugira ikibazo cy’imvune yagiriye ku mukino wa shampiyona batsinzwemo na PSG 1-0, abaganga bavuze ko imvune ye yo mu ivi igomba kumara amezi agatandatu akaba ari bwo azagaruka mu kibuga.

Amezi yari abaye 8 uyu mukinnyi w’imyaka 31 adakandagira mu kibuga kubera imvune, akaba yagarutse ku mukino ikipe ye yaraye itsinzemo Lyon igitego 1-0, ni umukino yari kuri 18 n’ubwo atigeze akina, gusa bivuze ko ameze neza kuba yatangira gukina.

Gukira kwe ni inkuru nziza ku mutoza w’ikipe y’igihugu Amavubi, Mashami Vincent ndetse n’u Rwanda muri rusange kuko agiye kuzajya yifashishwa mu marushanwa ari imbere Amavubi azajya akina.

Umutoza w’ikipe y’igihugu Mashami Vincent nyuma y’uko uyu musore yemeje ko yifuza gukinira u Rwanda, yavuze ko bahise batangira kuganira ndetse ngo byagenze neza uretse ko habayemo iki kibazo cy’imvune yagize.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rutanga Eric ari gushakisha umwana wafotowe yambaye umupira ucitse uriho...

Kapiteni wa Rayon Sports,Rutanga Eric arifuza guhura n’umwana wagaragaye ku...
16 October 2019 Yasuwe: 2961 0

Umutoza uhabwa amahirwe menshi yo gutoza ikipe ya Manchester United...

Nta muntu ukurikira umupira utabona ko umutoza wa Manchester United witwa...
16 October 2019 Yasuwe: 2750 0

Real Madrid yiyemeje gutanga akayabo na James Rodriguez kugira ngo ihaze...

Ikipe ya Real Madrid itarabasha kwiyubaka ku rwego umutoza wayo Zinedine...
16 October 2019 Yasuwe: 2146 0

Umunyarwanda Hitimana agiye guhagarikwa kubera Imiti imwongerera imbaraga...

Umunyarwanda Hitimana Noël usiganwa ku maguru ku ntera ndende, agiye...
15 October 2019 Yasuwe: 1843 0

Online Fun Club yabonye wa mwana wagaragarije urukundo rudasanzwe Muhadjiri...

Umwana wamamaye ku mbuga nkoranyambaga kubera ukuntu yiyanditseho ku mupira...
15 October 2019 Yasuwe: 4857 2

Sadio Mane yahishuye impamvu atagura imodoka zihenze nka Aubameyang n’ibindi...

Rutahizamu Sadio Mane ukinira ikipe ya Liverpool FC yo mu Bwongereza...
15 October 2019 Yasuwe: 4254 1