Rutahizamu wa Liverpool na Senagal,Sadio Mane, yavuze bwa mbere kuri Lionel Messi wamutoye nk’umukinnyi witwaye neza kurusha abandi ku isi aho yemeje ko bigaragaza ko amaze gutera imbere.

Sponsored Ad

Sadio Mane watsinze ibitego 26 mu mwaka w’imikino ushize,ntiyagize amahirwe yo kuaza mu bakinnyi 3 bitwaye neza ku isi muri 2019 nubwo yatwaye igikombe cya UEFA Champions League gusa yemeje ko gutorwa n’umukinnyi ukomeye nka Messi ari ikintu gishimishije kuri we.

Yagize ati “N’inyunganizi nziza cyane iyo umukinnyi mwiza nka Messi agutoye.Iyo urebye ukuntu navuye kure,birerekana ko maze gutera imbere.Nubwo ntamaze igihe kinini mu ishuli ryigisha umupira w’amaguru nabashije kugera kuri uru rwego.”

Sadio Mane n’umwe mu bakinnyi bakomeye mu Bwongereza gusa ntiyabashije kuza mu bakinnyi 3 ku isi aho umwanya we watwawe na Virgil Van Dijk,Messi na Cristiano Ronaldo.