Rutahizamu Alexis Sanchez yatangaje ko imikinire ya Jose Mourinho yamugoye kuva yagera mu ikipe ya Manchester United mu kwezi kwa mbere ndetse byatumye atigaragariza abakunzi b’iyi kipe nkuko bari bamwiteze.

Sponsored Ad

Uyu musore wavuye mu ikipe ya Arsenal ahagaze neza,yatangarije abanyamakuru ko kwisanga mu mikinire ya Manchester United bitamukundiye ariyo mpamvu atahise yigaragaza ndetse akaba yaranenzwe cyane na benshi.

Yagize ati “Ndakeka muri buri mukino nakinnye,nagiye ngorwa no guhuza na bagenzi banjye.Byarangoye cyane kwiyumva mu buryo bw’imikinire bwa Manchester United akaba ariyo mpamvu nagombaga kubanza kwiga abo dukinana.Naje mu ikipe ya Manchester United kubera ko ari ikipe ikomeye mu Bwongereza.”

Bamwe mu bahoze bakinira iyi kipe ndetse bayikozemo ibigwi barimo Paul Scholes,banenze imikinire ya Sanchez,ndetse bavuga ko urwego rwo hasi ariho arirwo rwatumye atsinda ibitego 3 mu mikino yose yakiniye Manchester United.

Sanchez yabwiye abafana ba Manchester United ko ikipe ifite abakinnyi beza ndetse bagiye guhindura byinshi ku buryo mu mwaka w’imikino utaha we na bagenzi be bazitwara neza.