Kigali

Sarpong yafashije Rayon Sports kwihimura kuri Kiyovu Sports

Imikino   Yanditswe na: Dusingizimana Remy 28 March 2019 Yasuwe: 4091

Ikipe ya Rayon Sports yihimuye kuri Kiyovu Sports yari yabatsinze mu mukino ubanza wa shampiyona,iyitsinda igitego 1-0 cyatsinzwe na rutahizamu Sarpong Micheal ukomoka muri Ghana.

Rayon Sports yaje muri uyu mukino ishaka kwihorera kuri Kiyovu Sports yayitsinze mu mukino ubanza wa shampiyona ibitego 2-1,yagowe bikomeye n’umunyezamu w’inararibonye Ndoli jean Claude wakuyemo ibitego byinshi mu gice cya mbere.

Rayon Sports yabonye uburyo bukomeye ku munota wa 13, ubwo myugariro wa Kiyovu Rwabuhihi Aime Placide yahushije umupira yashakaga gutera n’umutweusanga Manishimwe Djabel wari wenyine mu rubuga rw’amahina,awuteye Ndoli awufatira mu maguru.

Rayon Sports yasatiriye bikomeye Kiyovu Sports ndetse igenda ibona uburyo bukomeye kuri ba rutahizamu bayo barimo Sarpong wabonye amahirwe akomeye ku munota wa 36,asigarana n’izamu,ateye umupira ujya hejuru.

Kiyovu Sports yibye umugono Rayon Sports ku munota wa 39,ibona uburyo bwiza cyane ku mupira mwiza Nizeyimana Djum yakatiye Yamini Salumu awutera nabi arebana n’umunyezamu Mazimpaka Andre ujya hanze.

Habura iminota mike ngo igice cya mbere cy’umukino kirangire,Mugisha Gilbert yabonye uburyo bwiza ku mupira wahushijwe na myugariro wa Kiyovu,ateye mu izamu,Ndoli awugaruza ukuboko yari yateze.

Rayon Sports yabonye uburyo bw’igitego bugera kuri 4 mu gice cya mbere, ariko ntiyabubyaza umusaruro ahanini bitewe n’umunyezamu Ndoli Jean Claude,yagiye kuruhuka iri hejuru ya Kiyovu mu guhererekanya umupira no gutera mu izamu kuko yateyemo 4 ku busa bwa Kiyovu Sports gusa igitego kirabura.

Mu gice cya kabiri Rayon Sports yaje iri hejuru ya Kiyovu Sports ndetse Sarpong ahita abona amahirwe akomeye imbere y’izamu ku mupira mwiza yari ahawe na Rutanga,ateye n’ukuguru Ndoli awukuramo.

Ntibyatinze ku munota wa 55,Rayon Sports yafunguye amazamu ku gitego cyatsinzwe na Sarpong Micheal ku mupira mwiza yahawe na Manishimwe Djabel.

Iki gitego Michael Sarpong yatsinze n’umutwe,cyujuje ibitego 10 amaze gutsinda muri shampiyona y’uyu mwaka yakinwaga umunsi wa 21.Sarpong ni uwa 3 mu bamaze gutsinda ibitego byinshi muri shampiyona kuko akurikiye Jules Ulimwengu ufite 12 na Nizeyimana Djuma ufite 11.

Amakipe yombi yahise atangira gukina yigana byatumye Rayon Sports irangiza itsinze uyu mukino ku gitego 1 ku busa bwa Kiyovu Sports.

Rayon Sports yaruhije Kiyovu muri uyu mukino, kuko yateye amashoti 7 agana mu izamu ku busa bwa Kiyovu mu gihe guhererekanya umupira yarangije ifite 55 kuri 45 ya Kiyovu Sports.

Rayon Sports ikomeje gusatira APR FC iyirusha amanota 4 ku rutonde rw’agateganyo kuko igize amanota 47 kuri 51 ya Mukeba.Mukura ni iya 3 n’amanota 44.


Sarpong akomeje guheka ikipe ya Rayon Sports

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble ka.do

    Bravo muturajije neza kbs.

    5 months ago

Inzindi nkuru

Rayon Sports yamaze gutangaza abakinnyi 11 barayifasha guhangana na Al...

Harabura amasaha make ngo Rayon Sports icakirane na Al Hilal mu mukino wo...
25 August 2019 Yasuwe: 2748 1

Sugira Ernest wakiriwe nk’umwami yavuze ikintu cyamufashije kwitwara neza...

Rutahizamu wa APR FC,Sugira Ernest wongeye kugaruka mu bihe bye byiza...
25 August 2019 Yasuwe: 3077 0

Sarpong yatangaje ba myugariro babiri akunda cyane mu Rwanda n’igitego...

Rutahizamu Sarpong Micheal ukunzwe na benshi mu bakunzi ba ruhago...
25 August 2019 Yasuwe: 3552 0

Kayiranga Baptiste yakoresheje imyitozo ya nyuma muri Sudani aca amarenga...

Umutoza w’agateganyo wa Rayon Sports Kayiranga Baptiste yaraye akoresheje...
25 August 2019 Yasuwe: 3055 0

Abafana ba Manchester United bongeye gukorera igikorwa kigayitse umukinnyi...

Hamaze iminsi inkundura yo gushaka abatutse ku ruhu Paul Pogba nyuma yo...
25 August 2019 Yasuwe: 3939 0

Premier League: Lampard yabonye amanota 3 ya mbere,Manchester United na...

Umutoza mushya wa Chelsea FC,Frank Lampard,yabonye amanota 3 ya mbere nyuma...
24 August 2019 Yasuwe: 2233 0