Kigali

Savio Nshuti yerekeje mu ikipe ya APR FC nyuma yo kwemererwa akayabo

Imikino   Yanditswe na: Dusingizimana Remy 21 January 2018 Yasuwe: 1195

Byari bimaze iminsi bivugwa ko umusore Nshuti Dominique Savio yerekeje muri APR FC gusa kuri ubu ntibikiri ibihuha kuko uyu musore yatanzweho akayabo ka miliyoni 30 z’amafaranga y’u Rwanda ayisinyira amasezerano y’imyaka 2.

Uyu musore uherutse gutandukana n’ikipe ya AS Kigali kubera kumwemerera inzu ntibayimuhe,yamaze kwerekeza mu ikipe y’ingabo z’igihugu nyuma y’iminsi mike atangaje ko atazongera gukinira iyi kipe y’umugi wa Kigali.

Nshuti Savio uri kumwe n’Amavubi aherereye mu mugi wa Tangier mu gihugu cya Maroc mu mikino ya CHAN, yatanzweho miliyoni 30 Frw y’u Rwanda, harimo miliyoni 26 zahawe ikipe ya AS Kigali, naho we asigarana miliyoni 4 z’amafaranga y’u Rwanda nkuko amakuru dukesha ikinyamakuru Ruhagoyacu abitangaza.

Uretsw kuba yatanzweho miliyoni 30,ikipe ya APR FC yemereye uyu musore umushahara wa Frw 700 000 ku kwezi ndetse azajya ahabwa amadorali 20 y’amanyamerika uko atanze umupira uvamo igitego muri APR FC.

Abakinnyi ba APR FC bahabwa 80 000 Frw ku mukino batsinze,ariko Nshuti Savio we azajya ahabwa Frw 130 000 uko batsinze umukino umwe muri shampiyona, bishoboka ko ku kwezi batsinze imikino 4, Savio yakwinjiza Frw 1,200,000 biziyongeraho agahimbazamusyi k’imipira ivamo ibitego yatanze n’ibitego yatsinze.

Muri izi miliyoni 26 zahawe AS Kigali,harimo miliyoni 8 yatanze imugurira imodoka ya Mercedez Benz,amafaranga yatanze imwishyurira inzu na lisansi, ikanamugurira ibikoresho byo mu nzu bigezweho ndetse n’ayo yatanze kugira ngo bamubage urutugu.

Savio yerekeje mu ikipe ya AS Kigali umwaka ushize nyuma yo gufasha ikipe ya Rayon Sports kwegukana igikombe cya shampiyona mu mwaka wa 2017 aho kuri ubu yamaze gushyirwa ku rutonde rw’abakinnyi bazakinira APR FC mu mikino ya CAF Confederations Cup.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Wenger yavuze amagambo mabi kuri Guardiola baracakirana kuri iki...

Umutoza w’ikipe ya Arsenal,Arsene Wenger yatangaje ko abavuga ko umutoza...
24 February 2018 Yasuwe: 998 0

Karekezi arashaka kwihorera kuri APR FC iherutse kumutsinda

Umutoza w’ikipe ya Rayon Sports yatangaje ko yababajwe no gutsindwa na APR...
24 February 2018 Yasuwe: 1504 0

Migi yatangaje uko APR FC ihagaze mbere yo guhura na Rayon Sports

Kapiteni w’ikipe ya APR FC Mugiraneza Jean Baptiste yatangaje ko APR FC...
24 February 2018 Yasuwe: 1060 0

Amafoto y’umwana Rooney aherutse kubyara ari guca ibintu hirya no hino...

Umugore wa Wayne Rooney rutahizamu w’ikipe ya Everton,Coleen yashyize hanze...
23 February 2018 Yasuwe: 2286 0

Biravugwa ko Lydia Ludic ishobora kurega Rayon Sports muri CAF iyishinja...

Amakuru adafitiwe gihamya aturuka mu Burundi ni uko ikipe ya Lydia Ludic...
23 February 2018 Yasuwe: 6088 8

Umupolisi yapfiriye kuri stade kubera gushyamirana kw’abafana

Umupolisi yishwe n’umutima ubwo yageragezaga guhosha imvururu zari hagati...
23 February 2018 Yasuwe: 1642 0