Kigali

Seninga Innocent agiye kwitabaza FIFA kugira ngo imufashe kwishyuza Kiyovu Sports miliyoni 6

Imikino   Yanditswe na: 24 November 2017 Yasuwe: 704

• Kiyovu Sports yanze kwishyura Seninga Innocent miliyoni 6 z’amafaranga y’u Rwanda yagombaga guhabwa nyuma yo kumwirukana
• Seninga agiye kujyana Kiyovu Sports muri FIFA kugira ngo imwishyurize
• Kiyovu Sports yategetswe na FERWAFA kwishyura Seninga ntiyabikora

Umutoza w’ikipe ya Police FC seninga Innocent aratangaza ko agiye kujyana ikirego muri FIFA kugira ngo imufashe kwishyuza miliyoni 6 z’amafaranga y’u Rwanda bamwambuye ubwo yari umutoza wabo Kuva kuwa 25 Kanama 2015 kugeza kuwa 25 Kanama 2016 .

Uyu mutoza wasezerewe nabi mu ikipe ya Kiyovu Sports ashinjwa guta akazi akerekeza mu mahugurwa yo mu Budage,ibintu we atemeye akavuga ko yari yatse uruhushya yatangarije Inyarwanda.com dukesha iyi nkuru ko agiye kujyana ikirego muri FIFA kugira ngo imwishyurize urucaca rwamwigirijeho nkana.

Seninga avuga ko nyuma yo kwirukanwa na Kiyovu Sports yagombaga kumwishyura imishahara y’amezi umunani yari asigaye ku masezerano y’umwaka bari bafitanye aho buri kwezi yishyurwaga ibihumbi 750 by’amafaranga y’u Rwanda.

Yagize ati “Nitabaje FERWAFA mbereka uko ibintu bimeze. Byaje kuba ngombwa ko akanama gashinzwe imyitwarire gaterana basanga koko mfite ukuri. Bandikiye Kiyovu bayibwira ko ngomba kwishyurwa ariko hagiye gushira umwaka n’igice babibwiwe ariko mbona baranangiye. Niyo mpamvu rero ngomba kujya muri FIFA bakaba aribo bandenganura”.

Uyu mutoza yabwiye iki kinyamakuru ko yaganiriye n’ubuyobozi bwa Kiyovu Sports bwariho icyo gihe kugira ngo abagabanyirize amafaranga ndetse bemeranya ko bamwishyura miliyoni 4 z’amafaranga y’u Rwanda,none yarategereje amaso yaheze mu kirere.

Seninga yasabye ishyirahamwe ry’umupira w’amaguru mu Rwanda FERWAFA kumwishyuriza aya mafaranga ndetse abereka amasezerano,nabo bandikira Kiyovu Sports ariko nta kirakorwa niyo mpamvu uyu mutoza agiye kwitabaza FIFA.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Amakuru y’ingenzi ari kuvugwa muri Rayon Sports na APR FC ziracakirana uyu...

Benshi mu bakunzi ba Ruhago mu Rwanda bategerezanyije ubwuzu umukino...
25 February 2018 Yasuwe: 597 0

Amikoro yatumye Muhire Hassan asezera muri Miroplast FC ishobora...

Umutoza mukuru w’ikipe ya Miroplast Muhire Hassan yamaze kwandikira ibaruwa...
25 February 2018 Yasuwe: 194 1

Rurangirwa wongeye gutanga kandidatire yo kuyobora FERWAFA yakoze mu jisho...

Rurangirwa Louis wongeye gutanga kanditature yo kwiyamamariza kuyobora...
24 February 2018 Yasuwe: 1229 0

Wenger yavuze amagambo mabi kuri Guardiola baracakirana kuri iki...

Umutoza w’ikipe ya Arsenal,Arsene Wenger yatangaje ko abavuga ko umutoza...
24 February 2018 Yasuwe: 1182 0

Karekezi arashaka kwihorera kuri APR FC iherutse kumutsinda

Umutoza w’ikipe ya Rayon Sports yatangaje ko yababajwe no gutsindwa na APR...
24 February 2018 Yasuwe: 1613 0

Migi yatangaje uko APR FC ihagaze mbere yo guhura na Rayon Sports

Kapiteni w’ikipe ya APR FC Mugiraneza Jean Baptiste yatangaje ko APR FC...
24 February 2018 Yasuwe: 1177 0