Kigali

Serena Williams yatutse bikomeye umusifuzi amushinja kumwiba mu mukino wa nyuma wa US Open

Imikino   Yanditswe na: Dusingizimana Remy 9 September 2018 Yasuwe: 1890

Umukinnyi w’icyamamare mu mukino wa Tennis ,Serena Williams yatutse bikomeye umusifuzi (Chair Umpire) Carlos Ramos wasifuye umukino wa nyuma wa US Open wamuhuje na Naomi Osaka amushinja kumwiba amanota, birangira uyu muyapani amutsinze amaseti 2-0(6-2,6-4).

Ubwo umukino wari urimbanyije,Serena yegereye uyu musifuzi atangira kumutunga intoki,amwita igisambo kubera ko yari amaze kumukata amanota amuhoye ko yatozwaga mu ibanga n’umutoza we Mouratoglou mu gihe cy’umukino kandi bitemewe muri Tennis.

Serena Williams ntiyishimiye iki cyemezo uyu musifuzi (Chair Umpire) yafashe niko gutangira kumutuka amwita igisambo ndetse ko amwambuye amanota mu buryo budakwiriye aho yamusabye ko yasaba imbabazi ko amurenganyije.

Yagize ati “Inshuro nyinshi nakiniye hano nahuye n’ibibazo.Sinigeze ntozwa n’umutoza wanjye,sinigeze niba.Ukwiriye kwisubiraho ugatangaza ko umbeshyeye.Mfite umwana w’umukobwa kandi nkunda guhagarara ku kuri.ukwiriye kunsaba imbabazi kubera gushaka kundakaza.Uri umubeshyi .Nsaba imbabazi,vuga ko usaba imbabazi.Ni gute uvuga ko nibye kandi unyambuye amanota,ni wowe gisambo.”

Nubwo Serena Williams yahakanye ko umutoza we atamutoje,nyir’ubwite we yavuze ko yabikoze gusa umukinnyi we Serena ashobora kuba atabibonye aho yavuze ko n’umutoza wa Naomi Osaka nawe yamubonye ari kumutoza mu ibanga.

Serena yarize avuga ko yakoze cyane kugira ngo agere ku rwego ariho ariko abasifuzi bamwanga ndetse abwira Ramos ko natamusaba imbabazi atazongera kumusifurira umukino wose azakina.

Serena yaraye akoze amakosa atatu akomeye muri Tennis, kuko umutoza we yishe amategeko aramutoza,akubita hasi Racket baba bafashe bari gukisha kandi bitemewe nyuma atuka umusifuzi bitemewe byatumye yamburwa umukino.

Serena umaze gutwara ibikombe 23 bikomeye muri Tennis (Grand Slams) yagaragaje imyitwarire itashimishije bamwe mu bakunzi ba Tennis gusa abakinnyi bagenzi be bamushyigikiye cyane.

Ubu bushyamirane bwabaye Serena Williams amaze gutsindwa iseti ya mbere n’umukino wa mbere byatumye anatakaza igikombe cya US Open kuko yatsinzwe n’umuyapanikazi Naomi Osaka w’imyaka 20, amaseti 2-0 ( 6-2, 6-4).







Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umukobwa w’Uburanga yigambye gukundana na Neymar arusha imyaka 12...

Umunyamideli ukunze kwifotoza yambaye ubusa,ukomoka mu burusiya witwa...
15 February 2019 Yasuwe: 3247 0

Mesut Ozil yakoze igikorwa kigaragaza ko yanga urunuka umutoza Unai...

Umukinnyi Mesut Ozil uhembwa amafaranga menshi kurusha abandi bakinnyi bose...
15 February 2019 Yasuwe: 3481 0

Jules ulimwengu yamaze gusinyira Rayon Sports ahabwa nimero 7 yambarwaga na...

Rutahizamu Jules Ulimwengu wakiniraga Sunrise FC yamaze gusinyira Rayon...
15 February 2019 Yasuwe: 2407 0

Jules Ulimwengu yamaze kugera mu Rwanda yizeza abakunzi ba Rayon Sports...

Rutahizamu w’Umurundi Jules Ulimwengu yamaze kugera I Kigali aho aje...
14 February 2019 Yasuwe: 2319 0

Umugore wa Wayne Rooney yakuyemo impeta y’isezerano nyuma yo kumufata ari...

Coleen Rooney, umugore w’umukinnyi Wayne Rooney yagaragaye mu muhanda nta...
14 February 2019 Yasuwe: 2668 0

Sergio Ramos ari mu mazi abira kubera ikarita y’umuhondo yaraye...

Kapiteni wa Real Madrid ari mu mazi abira kubera ibyo yatangaje ko...
14 February 2019 Yasuwe: 1928 0