Kapiteni w’ikipe ya Real Madrid,Sergio Ramos yabwiye umutoza we Zinedine Zidane utamerewe neza kubera ukuntu Real Madrid iri kwitwara muri uyu mwaka w’imikino ko we na bagenzi be bazamwitangira kugeza ku rupfu.

Sponsored Ad

Sergio Ramos yabwiye Zidane ko ikipe yose imuri inyuma ndetse akuraho ibihuha bivuga ko ashobora kwirukanwa kubera umusaruro ukomeje kubura.

Ramos yagize ati “Ikintu kimwe dufite mu mitwe yacu tutitaye ku byabaye byose, n’ugutsinda kandi tugakina umukino mwiza.Tugomba gutsinda,Yego,yego.Buri wese amenye ko twese nk’abakinnyi turi inyuma ya Zizou kugeza ku rupfu.Icyaba cyose ishusho tugomba kugumana mu mutwe n’ukunga ubumwe.

Madrid ihora izuka kandi uburyo bumwe budufasha kubigeraho n’ugukorera hamwe.Umusaruro mwiza uzashyira buri kimwe ku ruhande rwacu.”

Real Madrid ifite inota rimwe mu mikino 2 ya UEFA Champions League imaze gukina mu itsinda A, irahura na Garatasaray uyu munsi mu mukino wa 3 wa UEFA Champions League.