Umukinnyi Sibomana Patrick wakinaga mu ikipe ya Shakhtyor Soligorsk yo mu gihugu cya Belarus,yamaze kugaruka mu Rwanda nyuma yo gusesa amasezerano nayo,aho yavuze ko nta gahunda afite yo kongera gukina mu Rwanda.

Sponsored Ad

Sibomana yabwiye ikinyamakuru Eachamps dukesha iyi nkuru ko atifuza kongera gukinira imwe mu makipe yo mu Rwanda ndetse ko gukinira Rayon Sports cyangwa kongera kugaragara mu mwambaro wa APR FC byaba ari impanuka,kuko yifuza kongera kwerekeza mu makipe yo hanze y’u Rwanda .

Yagize ati “Ntabwo nteganya kongera gukina mu Rwanda, kereka bibaye ku bw’impanuka kuko ntawumenya ejo he ariko ntabwo mbiteganya icyo nteganya n’ugusubira hanze nkajya aharenze aho nakinaga.

Rayon Sports yaramvugishije mu minsi yashize, ariko ubu ntabihari.Rayon Sports cyangwa APR FC ubu hagize inyegera ngo nyisinyire byaba bigoranye cyane kuko urebye intego zanjye n’ugukomeza gutera imbere ariko ngarutse byansaba izindi mbaraga kugira ngo nongere nsubire hariya.”

Sibomana yavuze ko yumvikanye Shakhtyor Soligorsk basesa amasezerano nubwo yari agifite amasezerano y’umwaka muri iyi kipe yo muri Belarus.

Uyu rutahizamu w’Amavubi yavuze ko kugeza ubu nta kipe aravugana nayo gusa umuhagarariye gushakisha hirya no hino,we aje mu biruhuko mu Rwanda.