"Sinari umukinnyi ahubwo nari nk’umuzimu." Eden Hazzard

11 January 2017. | Imikino | 0 Ibitekerezo | Canisius Kagabo

Umubiligi ukinira ikipe ya Chelsea yo mu Bwongereza, Eden Hazzard ku nshuro ya mbere imbere y’itangazamakuru yahamije ko umwaka w’imikino ushize wa 2015/2016 atakinnye neza nk’umukinnyi wari umaze kwegukana shampiyona, ahubwo ko abona yari nk’umuzimu.

Umwaka w’imikino wa 2014/2015 Eden Hazard, yatwaye igikombe cya shampiyona ari kumwe na Chelsea, ndetse aza no kuba umukinnyi mwiza wa shampiyona y’u Bwongereza muri uwo mwaka, gusa umwaka wakurikiyeho ntiwahiriye uyu mubiligi na Chelsea kuko barangije ku mwanya wa 10, Leceister City itwara igikombe.

Mu kiganiro yahaye Goal.com, Hazard yivugira ko umwaka w’imikino wa 2015/2016 atari umukinnyi usanzwe ko ahubwo yari umuzimu.

Yagize ati "nigiye byinshi mu mwaka w’imikino ushize, iyo uri ku rwego nk’urwo twariho mu myaka ibiri ishize biba bigoranye, mu myaka ibiri ishize nari umwe mu bakinnyi beza ku isi, gusa umwaka ushize sinari umukinnyi ahubwo nari nk’umuzimu, ntago waba wari umuntu ngo umere nkanjye uko nari meze. "

Yakomeje agira ati"nshaka gusubira aho nari ndi mu myaka ibiri ishize tukongera tugatwara ibikombe."

Kugeza ubu Chelsea ya Eden Hazard iri ku munsi wa 20 wa shampiyona niyo iyoboye shampiyona y’u Bwongereza n’amanota 49, mu gihe irusha Liverpool ya 2 amanota 5 kuko yo ifite 44, ndetse Chelsea ikaba inahabwa amahirwe yo kuba yakwegukana igikombe cya shampiyona.

Tanga Igitekerezo