Umutoza Sir Alex Ferguson wabaye umutoza w’icyamamare mu bwongereza no ku isi yose,yatangaje ko nubwo inkubiri y’igikombe cya shampiyona ikomeye ariko Liverpool ariyo aha amahirwe yo kucyegukana.

Sponsored Ad

Umukinnyi Jonathan Walters wahoze akinira Bunley,yabwiye BBC 5 ko yaganiriye na Phil Bardsley bahoze bakinana amubwira ko Ferguson bari bicaranye abona igikombe kizatwara ikipe ya Liverpool.

Ferguson watwaye PL 13, araha amahirwe ikipe ya Liverpool kuko ngo yizeye neza ko Manchester United yahose atoza izatsinda Manchester City,urugendo rwayo rugahita rurangira.

Liverpool isigaje imikino 4 yo gukina itagoranye urebeye ku mpapuro gusa Manchester City igomba gucakirana na Manchester united hanze ndetse na Tottenham mu rugo,ibintu bishobora kutazayorohera.

Amakipe yombi aramutse atsinze imikino yose asigaje,Manchester City yahita itwara igikombe cya shampiyona irusha Liverpool inota rimwe.

Sir Alex Ferguson yavuze ko Liverpool ariyo izegukana igikombe cya Premier League uyu mwaka