Kigali

Bugesera FC izamurikira abakinnyi bayo bashya kuri stade yayo nshya kuri iki cyumweru [Yavuguruwe]

Imikino   Yanditswe na: Martin Munezero 2 August 2019 Yasuwe: 4311

Ku cyumweru ku wa 04 Kanama 2019, ni bwo ikipe ya Bugesera FC izataha Stade nshya yayo kuri ubu yamaze kuzura neza.

Bugesera FC izakina umukino wa gicuti na Gasogi United yamaze kuzamuka mu kiciro cya mbere, mu mukino uzabimburirwa n’umuhango wo kumurikira ab’i Bugesera abakinnyi ikipe yabo izifashisha mu mwaka utaha w’imikino.

Kwinjira kuri uyu mukino bizaba ari ubuntu.

Stade nshya ya Bugesera yatangiye kubakwa muri Kanama 2018, ikaba iherereye mu mujyi wa Nyamata gusa ntabwo igihe izatahirwa ku mugaragaro ntikiramenyekana.

Iyi Stade yubatswe nk’isezerano Perezida wa Repubulika Paul Kagame yahaye abaturage ubwo yajyagayo [i Nyamata] kwiyamamariza kuyobora u Rwanda mjuri 2017, ifite ubushobozi bwo kwakira abantu 3400. Ni Stade izajya yakira imikino itandukanye by’umwihariko umupira w’amaguru gusa yamaze no gushyirwamo inzira y’abakinnyi basiganwa ku maguru (running track).

Harateganywa kandi gutunganya ahazajya hakinirwa indi mikino irimo Tennis, Basketball na Volleyball.

Iyi ni Stade yaje nk’igisubizo ku kipe ya Bugesera, dore ko amakipe yajyaga gukinira n’iyi kipe i Nyamata yatahaga yirahira ububi bw’ikibuga cyaho.

Iyi Stade kandi izafasha Bugesera kongera kwiyegereza abafana bayo, nyuma y’uko iyi kipe yakinnye igice kinini cya shampiyona y’umwaka ushize yakirira imikino yayo mu mujyi wa Kigali. Izafasha kandi iyi kipe kujya isinyisha abakinnyi bakomeye, dore ko Mutabazi Richard uyobora akarere ka Bugesera aherutse gutangaza ko hari abakinnyi iyi kipe yegeraga ibasaba kuyikinira, gusa bikarangira ubusabe bwanzwe kubera gutinya kujya gukinira ku kibuga kibi.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mukura VS yahaye isomo rya ruhago Gicumbi FC iyobora shampiyona...

Ikipe ya Mukura VS iherutse kwirukana burundu umutoza Olivier...
20 October 2019 Yasuwe: 3753 0

Lionel Messi yakuye umutima abafana ba FC Barcelona kubera ibyo yatangaje...

Rutahizamu Lionel Messi yavuze ko atazigera yemera gusinyira FC Barcelona...
20 October 2019 Yasuwe: 3049 0

Kimenyi Yves nawe yavuze ku kuba ngo umukunzi we yaramutaye akisangira undi...

Umunyezamu w’Ikipe y’Igihugu Amavubi na Rayon Sports Kimenyi Yves yavuze ko...
20 October 2019 Yasuwe: 7871 2

Sadio Mane yavuze kuri Messi wamutoye nk’umukinnyi witwaye neza kurusha...

Rutahizamu wa Liverpool na Senagal,Sadio Mane, yavuze bwa mbere kuri Lionel...
20 October 2019 Yasuwe: 3493 1

Solskjaer yabwiye Liverpool amagambo arimo incyuro mbere yo guhura...

Mbere y’umukino byitezwe na benshi ko Manchester United irabatizwa na...
20 October 2019 Yasuwe: 2599 0

Uruganda rwa Cimerwa rwahaye ibikoresho ya kipe y’abana yagaragaye mu...

Kuri uyu wa gatandatu, ubuyobozi bw’uruganda nyarwanda rukora sima rwa...
20 October 2019 Yasuwe: 3730 1