Kigali

SKOL yatumye Rayon Sports ishwana na FEZABET

Imikino   Yanditswe na: 5 December 2017 Yasuwe: 3609

• SKOL yasabye Rayon Sports gukura FEZABET ku mwambaro imbere
• FEZABET yasinyanye na Rayon Sports ko izagaragara ku mupira imbere
• Ubuyobozi bwa Rayon Sports bwakoze amakosa yagonganishije abaterankunga bayo

Umuterankunga mukuru w’ikipe ya Rayon Sports SKOL niwe ntandao y’ubwumvikane buke buri hagati ya Rayon Sports n’umuterankunga baheruka kugirana amasezerano FEZABET ndetse biravugwa ko aba bombi bashobora gusesa amasezerano.

Rayon Sports yasinyanye na FEZABET amasezerano y’imyaka mu kwezi kwa 9

Uku kutumvikana kwaturutse ahanini ku kwamamaza ku mwambaro iyi kipe yambara,aho bamwe mu bayobozi ba Rayon Sports bakoze ikosa rikomeye ryo kwemerera FEZABET ko izamamaza ku mupira imbere kandi SKOL ariyo yari yarahafashe.

Nkuko umunyamabanga mukuru w’ikipe ya Rayon Sports Itangishaka Bernard yabitangarije Radio Flash FM uyu munsi, abasinyanye amasezerano na SKOL sibo bayasinyanye na FEZABET,byatumye iri kosa rikorwa ndetse iyi sosiyete icuruza imikino y’amahirwe yamaze kuvuga ko nitamamaza ku mwenda imbere izasesa amasezerano.

Yagize ati “Nibyo koko twakinnye twambaye imyenda yanditseho FEZABET imbere kandi umuterankunga mukuru SKOL ariwe ugomba kugaragara ku mwenda imbere.Mu masezerano FEZABET yagiranye na Rayon Sports ,yifuje ko nayo yakwandikwa imbere ndetse ubuyobozi burabyemeza bwiyibagije amasezerano ya SKOL,gusa iyo nayo n’inenge yo gukosora.Ntabwo twifuza gusesa amasezerano na FEZABET ahubwo turifuza ko yaza tukavugurura amasezerano kuri iyo ngingo ijyanye no kwamamaza ku myenda kuko umuterankunga mukuru yavuze ko bimubangamiye.”

Iyi myenda SKOL igaragara imbere yonyine mu gihe indi y’umweru na FEZABET igaragara

Uyu munyamabanga yavuze ko uko byagenda kose hagomba kugira igihinduka kuko habaye kwibeshya mu gusinya amasezerano bitewe n’uko abasinye amasezerano na SKOL ari igice cy’ Umuryango wa Rayon Sports mu gihe amasezerano ya FEZABET yasinywe na Gacinya wahoze ari perezida w’ikipe ya Rayon Sports.

Kugeza ubu yaba Rayon Sports na FEZABET ntibavuga rumwe cyane ko hari amakuru aherutse kujya hanze yavugaga ko mu masezerano FEZABET yasinyanye na Rayon Sports harimo ingingo ivuga ko iyi sosiyete izajya yishyura Rayon Sports ari uko yabonye inyungu.

FEZABET niyo yatanze iyi myenda y’umweru

SKOL ntiyashimishijwe n’uko imyenda y’umweru Rayon Sports yambara FEZABET igaragara imbere,aho basabye Rayon Sports kubihindura ndetse bagatangira kwambara imyenda SKOL yakoze cyane ko iyo bambara yakozwe na FEZABET.

Rayon Sports yasinye amasezerano y’imyaka ine yo kwamamaza iyi sosiyete yo gutega ku mikino ya FEZABET ku i taliki ya 18 Nzeri 2017 aho yemerewe ko izahabwa miliyoni 305 FRW muri iyo myaka ndetse buri kwezi igahabwa arenga miliyoni 5 FRW.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ronaldinho yanyomoje ibyo kurongora abakobwa babiri

Kabuhariwe Ronaldinho yatunguye isi yose ubwo yanyomozaga amakuru yo...
26 May 2018 Yasuwe: 1347 0

Byinshi ukwiriye kumenya kuri Livepool na Real Madrid zirakina uyu...

Umunsi wari utegerejwe na benshi wageze aho amakipe yahize ayandi mu...
26 May 2018 Yasuwe: 759 0

AS Kigali inyagiye Bugesera biyifasha gusatira APR FC

Ikipe ya AS Kigali igaragaje ko igifite gahunda yo guhanganira igikombe cya...
25 May 2018 Yasuwe: 1527 0

Reba amafoto ya bamwe mu bagore n’abakunzi b’abakinnyi ba Real Madrid na...

Ku munsi w’ejo nibwo kuri stade ya NSC Olimpiyskiy Stadium iherereye mu mugi...
25 May 2018 Yasuwe: 4626 1

Mayweather yongeye kwifotoza afite akayabo k’ amadolari umukobwa ari...

Kabuhariwe mu iteramakofe Floyd Mayweather yongeye kwereka isi yose ko ari...
25 May 2018 Yasuwe: 2021 0

Cristiano Ronaldo yatangaje myugariro wamugoye kurusha abandi

Kabuhariwe Cristiano Ronaldo umaze gutsinda ibitego birenga 500 mu mateka...
25 May 2018 Yasuwe: 4081 0