Kigali

Sunrise FC yihimuye kuri APR FC yari imaze imyaka isaga 5 yarayigaruriye

Imikino   Yanditswe na: Dusingizimana Remy 23 January 2019 Yasuwe: 3156

Ikipe ya Sunrise yari imaze imyaka igera kuri 5 itazi uko gutsinda APR FC bisa,yayitunguye iyitsinda ibitego 3-2 mu mukino w’umunsi wa 7 wa shampiyona utarabereye igihe kubera ko iyi kipe y’ingabo z’igihugu yari mu mikino ya CAF Champions League.

Imbere y’abakunzi bayo kuri stade Amabati yo mu mujyi wa Nyagatare,ikipe ya Sunrise FC yavugwagamo ibibazo bitandukanye by’imvune ndetse no kudahemba,yatunguye APR FC iyitsinda ibitego 3-2.

Rutahizamu Babua Samson ukomoka muri Nigeria yafunguye amazamu ku munota wa 05 w’umukino nyuma y’uburangare bwa myugariro Buregeya Prince na Rusheshangoga Michelbananiwe kumucunga.

Nyuma y’iki gitego, APR FC yahise itangira gusatira Sunrise FC,bituma Hakizimana Muhadjiri yishyura iki gitego ku munota wa 38 w’umukino mbere y’uko igice cya mbere kirangira.

Sunrise FC yari imbere y’abakunzi bayo,yatangiye igice cya kabiri iri ku rwego rwo hejuru byatumye ku munota wa 51 Uwambazimana Leo uzwi nka Kawunga ayitsindira igitego cya kabiri,ku mupira yateye umutwe uvuye muri Koloneri.

APR FC yaje muri uyu mukino ihabwa amahirwe menshi cyane ko rutahizamu watsindiye Sunrise ½ cy’ibitego imaze gutsinda witwa Jules Ulimwengu atari ahari,yongeye gusatira bikomeye Sunrise ndetse ku munota wa 63 ihusha igitego cyari cyabazwe nyuma y’umupira Bigirimana Issa yateye ugakubita umutambiko.

APR FC yakomeje gusatira Sunrise FC bituma Nshuti Dominique Savio yishyura iki gitego ku munota wa 68,ku burangare bwa myugariro Nzayisenga Jean d’Amour wamwihereye umupira.

Umutoza Jimmy Mulisa yahuye n’uruva gusenya ubwo yavunikishaga kapiteni Mugiraneza jean Baptiste bituma asimbuza mu buryo atateganyije yinjizamo Nizeyimana Mirafa.

Mulisa yagerageje kwinjiza mu kibuga ubusatirizi kugira ngo arebe ko yabona intsinzi ariko ntibyamuhiriye kuko Sunrise FC yakoze ibyo benshi batatekerezaga ku munota wa 87 ishyiramo igitego cya 3 cyatsinzwe na Babua Samson witwaye neza cyane muri uyu mukino.

APR FC yakomeje kuyobora urutonde n’amanota 35 mu mikino 15 mu gihe Sunrise FC ikomeje kuguma ku mwanya wa 5 n’amanota 25.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Radamel Falcao yihanije abafana bakomeje kwibasira Messi nyuma yo gutsindwa...

Radamel Falcao usanzwe ari kapitani w’ikipe y’igihugu ya Colombia, yarengeye...
17 June 2019 Yasuwe: 400 0

Rayon Sports yamaze gusezerera Niyonzima Olivier Sefu na Manzi...

Ubuyobozi bwa Rayon Sports bumaze gushyira hanze amabaruwa yemeza ko...
17 June 2019 Yasuwe: 1966 0

TP Mazembe yongeye gutumirwa muri CECAFA I Kigali nyuma y’amahano iheruka...

Ikipe ya TP Mazembe iheruka gukorera amahano I Kigali muri 2010 ubwo...
17 June 2019 Yasuwe: 1633 1

Manzi Thierry yavuze byinshi ku kibazo cy’agahimbazamusyi katumye banga...

Kapiteni wa Rayon Sports,Manzi Thierry yemeje ko we na bagenzi be banze...
17 June 2019 Yasuwe: 2979 2

Umuherwe w’ikipe ya Paris Saint Germain mu buryo butunguranye yashyize ku...

Umuherwe w’ikipe ya Paris Saint Germain Umunya-Qatar Nasser Al-Khelaifi,...
17 June 2019 Yasuwe: 2545 0

Paul Pogba yarakariwe n’abafana ba Manchester United kubera ibyo...

Umukinnyi wa Manchester United Paul Pogba,yatumye benshi mu bakunzi bayo...
17 June 2019 Yasuwe: 2232 0