Taransiferi 14 muri ruhago z’iri kuvugwa cyane, Chelsea, Arsenal n’andi makipe ku isoko

11 January 2017. | Imikino | 0 Ibitekerezo | Canisius Kagabo
  • Taransiferi 14 muri ruhago z’iri kuvugwa cyane, Chelsea, Arsenal n’andi makipe ku isoko

Isoko ry’igura n’igurasha ubu rirafunguye haba ku mugabane w’Uburayi ndetse no ku isi yose, amakipe arimo arashaka uburyo yakongeramo amaraso mashya mu makipe yayo iri soko ritarafungwa mbere ya 31 Mutarama 2017.

Taransiferi (Transfers) 14 ziri kuvugwa cyane:

14. Morgan Schneiderlin – Man United ajya muri Everton.

Uyu mufaransa wakiniraga ikipe ya Manchester United, yamaze kumvikana na Everton ko ayerekezamo kuri miliyoni 22 z’Amapawundi(£22,000,000). Ibi bikaba byaje kwemezwa na Jose Mourinho nyuma y’umukino Man U yatsinzemo Hull City 2-0.

13. John Terry – Chelsea ajya muri Bournemouth

Uyu mwongereza akaba na kapiteni wa Chelsea, John Terry nk’uko Daily Telegraph ibitangaza ngo ibiganiro bigeze kure na Bournemouth kuba uyu mugabo yakwerekezamo ku intizanyo.

12. Michail Antonio – West Ham ajya muri Chelsea.

Nk’uko Daily Maily ibitangaza, umutoza wa Chelsea Antonio Conte arifuza bikomeye Antonio wa West Ham ndetse amakuru avuga ko ubwumvikane bugeze kure.

11. Christian Benteke ajya muri Crystal Palace.

Daily Mirror itangaza ko umutoza wa Crystal Palace, Sam Allardyce, arimo kwifuza kuba yagurisha rutahizamu we Christian Benteke ku ikipe yose yaba imwifuza, gusa kugeza ubu nta kipe nimwe iragaragaza ko imukeneye.

10.Sergio Oliveira – FC Porto ajya muri Southampton.

Uyu mukinnyi ukina hagati mu kibuga w’ikipe ya FC Porto, Sergio Oliveira, nyuma yo kuba atarimo kumvikana n’umutoza we Nuno Espirito Santo, ngo ibiganiro bigeze kure kuba yakwerekeza muri Southamptoon kuri miliyoni 4 z’Amapawundi(£ 4,000,000) nk’uko The Sun ibitangaza.

9.Scott Hogan – Brentford ajya muri West Ham.

Ikipe yo mu kiciro cya kabiri, Brentford, iri mu biganiro bya nyuma na West Ham byo kuba bayigurisha rutahizamu wayo Scott Hogan kuri miliyoni 15 z’Amapawundi(£15,000,000), ariko West Ham ikaba ishaka gutanga £12,500,000
SRC: Daily Maily

8. Oxlade-Chamberlain—Arsenal ajya muri Liverpool.

Umutoza wa Liverpool Jorgan Kloop, nk’uko ikinyamakuru Sport Bild kibitangaza, ngo yamaze gushyirira Arsene Wenger ku meza Miliyoni 40 z’Amapawundi(£40,000,000), ngo abe yamuha semababa we Alex Oxlade Chamberlin.

7. Cohen Bramall – Hednesford Town ajya muri Arsenal.

Ku bihumbi 40 by’Amapawundi, Arsenal na Arsene Wenger bamaze gusinyisha myugariro wo ku ruhande rw’ibumoso bamukuye mu ikipe ya Hednesord.

6. Martin Odegaard – Real Madrid ajya muri SC Heerenveen.

Real Madrid yamaze kohereza umusore wayo ku ntizanyo mu ikipe ya Heerenveen mu gihe kingana n’amezi 18.

5. Holger Badstuber – Bayern Munich ajya muri Schalke.

Ikipe ya Bayern Munich yo mu Budage, nk’uko tubikesha ikinyamakuru Manchester evening News, kivuga ko myugariro wa Bayern Munich Holger Badstuber yamaze gutizwa mu ikipe ya Schalke04 kugeza uyu mwaka w’imikino urangiye.

4. Stevan Jovetic – Inter Milan ajya muri Sevilla.

Ikipe ya Sevilla yamaze gutangaza ko yamaze kumvikana n’ikipe ya Inter Milan ibatiza umukinnyi wayo Stevan Jovetic.

3.Simone Zaza – West Ham ajya muri Fiorentina.

Ikinyamakuru London Evening Standard, kiratangaza ko rutahizamu wa West Ham, Simone Zaza, ku myaka ye 25 y’amavuko, ashobora kwerekeza mu ikipe ya Fiorentina yo mu Butaliyani kuri miliyoni 42 z’Amapawundi(£42,000,000), ngo amakipe yombi ibiganiro babigeze kure.

2. Marco Storari – Cagliari ajya muri Milan

Nyuma yo kugurisha umuzamu wayo mu ikipe ya Cagliari, ikipe ya AC Milan yamaze kuba yatangaza ko yongeye gusinyisha uyu wahoze ari umuzamu wayo, Marco Storari imukuye muri Cagliari.

1.Memphis Depay – Manchestere United ajya muri Lyon.

Semababa w’umuholandi, ukinira ikipe ya Manchester United, Memphis Depay, ikinyamakuru Foot Mercato kiratangaza ko ibiganiro bigeze kure n’ikipe ya Lyon yo mu Bufaransa ngo abe yakwerekezamo, gusa n’ikipe ya Everton yo mu Bwongereza ikaba nayo imuhanze amaso imushaka cyane isaha n’isaha yamusinyisha.

Tanga Igitekerezo