Kigali

Team Rwanda irahatana muri Colorado Classic uyu munsi

Imikino   Yanditswe na: Dusingizimana Remmy 10 August 2017 Yasuwe: 168

Kuri uyu munsi Taliki ya 10 Kanama 2017, nibwo hatangira irushanwa rikomeye mu gusiganwa ku magare muri Leta Zunze Ubumwe z’Amerika rya Colorado Classic aho na Team Rwanda iri mu makipe yitabiriye iri rushanwa riri ku rwego rwa 2 HC.


Ikipe y’u Rwanda imaze iminsi muri iki gihugu aho yanitabiriye irushanwa rya Cascade cycling classic aho mu bakinnyi 6 ba Amavubi 4 babashije kurangiza ndetse ukiniwabo Jean Paul Rene arangiza ku mwanya wa 55 ku rutonde rusange rw’iri rushanwa asizwe iminota 13 gusa ni umusore watwaye iri rushanwa Robin Carpenter ukinira ikipe ya Holowesko-Citadel.

Nubwo iri rushanwa risa naho riri ku rwego rwo hejuru ugereranyije n’ayo bajya bitabira,Team Rwanda yiteguye neza kwinjira muri iri rushanwa rigizwe n’uduce 4 tungana n’ibirometero 503,4 aho bazasoza ku italiki ya 13 Kanama uyu mwaka.
Abasore bagize Team Rwanda izitabira iri rushanwa rya Colorado Classic ni 6 barimo Gasore Hategeka, Jean Claude Uwizeye, Jean Bosco Nsengimana, Bonaventure Uwizeyimana, Jean Paul Ukiniwabo na Didier Munyaneza.

Agace abakinnyi ba Team Rwanda bashobora kwitwaramo neza ni aka 2 aho bakina ibirometero 103 ahitwa Breckenridge hagizwe no kuzamuka.

Abakinnyi 90 nibo baraza kwitabira iri rushanwa ahobarimo umusore w’umunya Colombia Rigoberto Uran watwaye agace ka 9 muri Tour de France ishize
ndetse anarangiza ku mwanya wa 2 ku rutonde rusange akaba ahabwa amahirwe yo kwegukana iri rushanwa.

Reba uduce tugize iri rushanwa:
Agace ka mbere

Uyu munsi, taliki ya 10 Kanama 2017
150.4km Colorado Springs

Agace ka kabiri
Ku wa gatanu, Taliki ya 11 Kanama 2017
103km Breckenridge

Agace ka gatatu
Ku wa Gatandatu, Taliki ya 12 Kanama 2017
130km Denver

Agace ka kane
Ku cyumweru, Taliki ya 13 Kanama 2017
120.1km Denver

Amakipe 15 aritabira iri rushanwa:

Amakipe yo ku rwego rw’isi: BMC Racing Team, Cannondale-Drapac Professional Cycling Team, Trek-Segafredo na UAE Team Emirates aya yiyongeraho andi makipe yitabira amarushanwa akomeye nka Caja Rural-Seguros RGA, Israel Cycling Academy, Nippo-Vini Fantini, Team Novo Nordisk na United Healthcare Professional Cycling Team n’andi yabonye ubutumire nka Axeon Hagens Berman, Elevate – KHS Pro Cycling, Holowesko-Citadel p/b Hincapie Sportswear, Jelly Belly -Maxxis, Rally Cycling na Team Rwanda.

Author : Dusingizimana Remmy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Areruya yatangaje byinshi ku hazaza he muri Dimension Data

• Areruya Joseph na Mugisha Samuel barangije amasezerano muri Dimension Data...
25 November 2017 0

Rwatubyaye yatangaje ikintu azahora yibukira kuri Katauti witabye...

• Rwatubyaye azahora yibukira Katauti kuri gahunda yagiraga • Rwatubyaye...
25 November 2017 Yasuwe: 427 0

Uko imikino iteganyijwe ku munsi wa 8 wa shampiyona y’u Rwanda

• Shampiyona y’u Rwanda igeze ku munsi wa 8 • Kiyovu Sports iyoboye...
25 November 2017 Yasuwe: 65 0

Antoine Hey yahamagaye abakinnyi 23 bazitabira CECAFA

• Abakinnyi bazahagararira u Rwanda muri CECAFA bamenyekanye • APR FC niyo...
24 November 2017 Yasuwe: 269 0

Rayon Sports iri mu biganiro n’umutoza wigeze gutoza mu Rwanda

• Rayon Sports irashaka umutoza usimbura Karekezi Olivier • Rayon Sports...
24 November 2017 Yasuwe: 1221 0

Seninga Innocent agiye kwitabaza FIFA kugira ngo imufashe kwishyuza Kiyovu...

• Kiyovu Sports yanze kwishyura Seninga Innocent miliyoni 6 z’amafaranga y’u...
24 November 2017 Yasuwe: 609 0