Umusore witwa Lucas Torreira wakiniraga ikipe ya Uruguay mu gikombe cy’isi kiri kubera mu Burusiya,yatangaje ko yarangije kumvikana na Arsenal ndetse azakora ikizamini cy’ubuzima mu cyumweru gitaha.

Sponsored Ad

Nyuma yo gutsindwa n’Ubufaransa mu mikino ya ¼ ibitego 2-0,Torreira yabwiye abanyamakuru ko ikipe ye ya Sampdoria yamaze kumvikana na Arsenal ndetse mu minsi iri imbere azazinga ibikapu akerekeza mu mujyi wa London gukinira ikipe ya Arsenal.

Torreira yakiniraga Sampdoria

Torreira w’imyaka 22 yaguzwe akayabo ka miliyoni 22 z’amapawundi ndetse nkuko yabibwiye abanyamakuru ku munsi w’ejo,yiteguye kuza kuri London Colney gukora ikizamini cy’ubuzima akaba umukinnyi wa 4 Arsenal izaba isinyishije nyuma ya Bernd Leno,Stephan Lichtsteiner na Sokratis Papastathopoulos.