Kigali

Tdu Rda:Simon Perraud yegukanye agace ka Rubavu, abanyarwanda bitana ba mwana

Imikino   Yanditswe na: 14 November 2017 Yasuwe: 919

• Simon Perraud ukinira ikipe ya Illuminate niwe wegukanye agace ka kabiri ka Tour du Rwanda kasorejwe I Rubavu
• Areruya Joseph yagize ikibazo cyo gutobokesha bituma atakaza umwenda w’umuhondo
• Perraud niwe wafashe umwenda w’umuhondo aho Arusha Areruya umunota wose ku rutonde rusange

Aka gace ka kabiri ka Tour du Rwanda kavaga mu karere ka Nyanza kerekeza mu karere ka Rubavu ku ntera ya kilometero 180 kegukanwe n’umunyamerika Simon Perraud ukinira ikipe ya Team Illuminate wahise afata umwenda w’umuhondo.

Aka agace karanzwe no gusatira kw’abakinnyi batandukanye aho abasore batandukanye nka Edward MGreene wa Lowestrates.ca, Samuel Hakiruwizeye na Jimmy Uwingeneye b’abanyarwanda nibo bayoboye igihe kirekire isiganwa gusa uyu musore ukinira ikipe yo muri Canada ariwe uyoboye abandi cyane aho yigeze gushyiramo ikinyuranyo cy’iminota irenga 2.

Abantu bari benshi i Muhanga
Mu birometero 50 abakinnyi bakomeye nka Areruya Joseph wari wambaye umwenda w’umuhondo,Valens Ndayisenga na Nsengimana Jean Bosco basatiriye ndetse bashyiramo igihe kigera ku munota ariko baza gufatwa mu birometero bya nyuma.
Umusore Simon Perraud yungukiye ku kutumvikana kw’abasore b’abanyarwanda bahanganye birangira basizwe n’uyu muzungu wabashyizemo igihe kigera ku minota 2.

Umunyarwanda waje hafi ni Munyaneza Didier wa Team Rwanda waje ku mwanya wa 3.

Nyuma y’aka gace abakinnyi batandukanye nka Valens Ndayisenga,Nsengimana Jean Bosco na Byukusenge Patrick bemeje ko habuze ubwumvikane mu banyarwanda byatumye abanyamahanga babasatira.

Abantu bari benshi i Rubavu

Kuva Tour du Rwanda yaba mpuzamahanga nta munyarwanda uratwara agace kerekeza I Rubavu.

Simon Perraud niwe wegukanye agace k’uyu munsi

Uwegukanye umwenda w’umukinnyi uterera ni Edward Greene ukinira ikipe ya Lowestrates.ca wigaragaje uyu munsi aho yayoboye isiganwa igihe kirekire.

Uko bakurikiranye mu gace ka Nyanza-Rubavu

Uko urutonde rusange ruhagaze kugeza ubu:
1.Perraud Simon (ILU): 7:50’22"
2.Areruya Joseph (DDC): 7:51’22"
3.Ndayisenga Valens (TIR)
4.Kangangi Suleiman (BAI)
5.Byukusenge Patrick (RWA)

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rurangirwa wongeye gutanga kandidatire yo kuyobora FERWAFA yakoze mu jisho...

Rurangirwa Louis wongeye gutanga kanditature yo kwiyamamariza kuyobora...
24 February 2018 Yasuwe: 805 0

Wenger yavuze amagambo mabi kuri Guardiola baracakirana kuri iki...

Umutoza w’ikipe ya Arsenal,Arsene Wenger yatangaje ko abavuga ko umutoza...
24 February 2018 Yasuwe: 1050 0

Karekezi arashaka kwihorera kuri APR FC iherutse kumutsinda

Umutoza w’ikipe ya Rayon Sports yatangaje ko yababajwe no gutsindwa na APR...
24 February 2018 Yasuwe: 1550 0

Migi yatangaje uko APR FC ihagaze mbere yo guhura na Rayon Sports

Kapiteni w’ikipe ya APR FC Mugiraneza Jean Baptiste yatangaje ko APR FC...
24 February 2018 Yasuwe: 1100 0

Amafoto y’umwana Rooney aherutse kubyara ari guca ibintu hirya no hino...

Umugore wa Wayne Rooney rutahizamu w’ikipe ya Everton,Coleen yashyize hanze...
23 February 2018 Yasuwe: 2304 0

Biravugwa ko Lydia Ludic ishobora kurega Rayon Sports muri CAF iyishinja...

Amakuru adafitiwe gihamya aturuka mu Burundi ni uko ikipe ya Lydia Ludic...
23 February 2018 Yasuwe: 6108 8