skol
fortebet

TP Mazembe yarokotse impanuka y’indege ya Ethiopian Airlines mu buryo bw’igitangaza

Yanditswe: Monday 11, Mar 2019

Sponsored Ad

Ikipe ya Tout Puissant Mazembe yo muri RDC yarokotse impanuka y’indege ya Boeing 737 yahitanye abantu 157 mu gitond cyo ku munsi w’ejo mu buryo butangaje kuko ariyo yabavanye mu Misiri ibageza muri Ethiopia.

Sponsored Ad

TP Mazembe yari ivuye mu Misiri gukina umukino wa CAF Champions League na Ismaily banganyije igitego 1-1,yateze iyi ndege ya Ethiopian Airlines ibakura mu Misiri ibageza muri Ethiopia.

Iyi ndege ya Boeing 737 (B-737-800MAX), yakoze impanuka ku munsi w’ejo Taliki ya 10 Werurwe 2019, nyuma yo kubageza muri Kenya ntibakomezanya nayo i Nairobi.

TP Mazembe yageze ku kibuga cy’indege cya Bole International Airport babwirwa ko batari bukomezanye n’iyi ndege ya Boeing 737 (B-737-800MAX) kubera ko yajyaga mu mujyi wa Nairobi ahubwo bafata ihita ibageza I Lubumbashi, baba baretse kugenda muri iyi Boeing 737 (B-737-800MAX) yakoze amahano ku munsi w’ejo.

Iyi ndege yakoze impanuka kuri iki Cyumweru mu gitondo imaze iminota 6 ihagurutse,bituma abantu 157 bakomoka mu bihugu 33 bahasiga ubuzima.

Mu banya Kenya 32 bayiguyemo,harimo Hussein Swalleh wari komiseri kuri uyu mukino wa Ismaily na TP Mazembe wabaye kuwa Gatanu w’icyumweru gishize.

Ibigo bitandukanye bikora indege byatangiye kwamagana kompanyi ikora indege za Boeing ikomeje kumara abantu,hashize iminota mike ihagurutse ku kibuga cy’indege.

Abanyacyubahiro batandukanye barimo Perezida Kagame ,Uhuru Kenyatta,Magufuli na Perezida wa TP Mazembe Moise Katumbi,bihanganishije ababuriye imiryango yabo muri iyi ndege.



TP Mazembe yarokotse impanuka y’indege mu buryo bw’igitangaza

Ibitekerezo

  • Ubuzima niko bumera.Natwe twarokotse ibintu byinshi byari kutwica.Urugero ni intambara ya 1990-1994 na genocide yari kwica benshi bayirokotse.Aha niho dukwiriye kwibuka ko tugomba gushaka Imana,ntitwibere mu nyisi gusa.Imana ivuga ko abibera mu byisi gusa batazabona ubuzima bw’iteka nkuko 1 Yohana 2:15-17 havuga.Bisobanura ko batazazuka ku munsi wa nyuma.Twige neza bible iduhindure,hanyuma dukorere Imana tubwiriza abantu,tubifatanye n’akazi gasanzwe.Niko Yesu yadusabye muli Yohana 14:12.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa