Kigali

Ububiligi busezereye Ubuyapani mu mukino wari ubereye ijisho

Imikino   Yanditswe na: Dusingizimana Remy 2 July 2018 Yasuwe: 877

Ikipe y’igihugu y’Ububiligi isezereye Ubuyapani iyitsinze ibitego 3-2 mu mukino wari ubereye ijisho watangiye ibitego byabuze biza kuboneka mu gice cya kabiri cy’umukino.

Ububiligi bwahabwaga amahirwe bwagowe bikomeye n’Ubuyapani ndetse bubanza kuyikanga buyitsinda ibitego 2-0 mu minota 10 ibanza y’igice cya kabiri gusa Ububiligi bwaje kuva inyuma bwishyura ibi bitego bunashyiramo icy’intsinzi.

Ubuyapani bwabonye igitego cya mbere ku munota wa 48 gitsinzwe na Genki Haraguchi,bituma Ububiligi bushyuha mu mutwe byatumye butsindwa igitego cya kabiri ku munota wa 52 gitsinzwe na Takashi Inui.

Ububiligi bwari bwanizwe hagati bwinjije mu kibuga Marouane Fellaini asimbuye Dries Mertens na Nacer Chadli asimbura Carrasco ku munota wa 65 byatumye bubasha kubona igitego cya mbere ku munota wa 69 gitsinzwe na Jan Vertonghen,Marouane Fellaini ahita ashyiramo ikindi ku munota wa 74.

Ubuyapani bwahushije ibitego bibiri byabazwe nyuma yo kwishyurwa ibitego byabwo gusa Ububiligi bubasha kwihagararaho.

Ubuyapani bwakoze ikosa rikomeye mu minota 6 y’inyongera ubwo haburaga umunota umwe bukabona koloneri abakinnyi babwo bose bakajya gushaka igitego byatumye baterwa Contre attack yahereye ku munyezamu Courtois wahereje umupira Meunier arawuzamukana awutera mu rubuga rw’amahina,uhura na Nacer Chadli ahita ashyiramo igitego cya 3 cyabafashije Ububiligi kwerekeza mu mikino ya ¼ aho buzacakirana na Brazil.



Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Liverpool yatunguye benshi kubera myugariro ukomeye wa Real Madrid ishaka...

Abafana ba Liverpool bacitse ururondogoro kubera ko ishaka gusinyisha...
25 May 2019 Yasuwe: 1420 0

Zamalek yashoye akayabo kenshi kugira ngo yibikeho rutahizamu Kagere...

Ikipe ya Zamalek yo mu Misiri yatangaje benshi kubera akayabo k’amamiliyoni...
25 May 2019 Yasuwe: 1544 0

Cristiano Ronaldo yashyize hanze amafoto y’imodoka nziza cyane yaguze...

Rutahizamu wa Juventus,Cristiano Ronaldo yongeye kugaragaza indi modoka...
25 May 2019 Yasuwe: 2228 0

Tuyisenge Jacques yerekeje mu ikipe yo muri Angola yamutanzeho akayabo...

Rutahizamu wa Gor Mahia,Tuyisenge Jacques,usanzwe ari umwe muri ba kapiteni...
25 May 2019 Yasuwe: 2896 0

Messi yongeye kuvuga ku gahinda gakomeye yatewe no gutsindwa na...

Rutahizamu Lionel Messi wa FC Barcelona yatangaje ko gutsindwa na Liverpool...
25 May 2019 Yasuwe: 2229 0

Rayon Sports yegukanye igikombe cya shampiyona inyagiye Kirehe...

Ikipe ya Rayon Sports niyo yegukanye igikombe cya shampiyona ya...
24 May 2019 Yasuwe: 4659 1