Kigali

Ubudage bwambuwe icyubahiro rugikuta mu gikombe cy’isi

Imikino   Yanditswe na: Dusingizimana Remy 17 June 2018 Yasuwe: 1049

Ikipe y’igihugu y’Ubudage ifite igikombe cy’isi giheruka, itsinzwe na Mexico igitego 1-0 mu mukino wayo wa mbere mu gikombe cy’isi cy’uyu mwaka kiri kubera mu Burusiya.

Ubudage bwatwaye igikombe cy’isi busebeje amakipe menshi arimo Portugal na Brazil,bwambuwe icyubahiro hakiri kare kuko bunaniwe kwishyura igitego bwatsinzwe na Hirving Lozano ku munota wa 35 w’umukino ku mupira mwiza yahawe na Javier Hernandez uzwi nka Chicharito.

Nubwo batwaye igikombe cy’isi giheruka,Abadage basuzuguwe na Mexico

Muri uyu mukino wo mu itsinda F, Ubudage bwari bwabanje mu kibuga amazina yabwo akomeye nka Manuel Neuer,Toni Kroos,Mesut Ozil n’abandi,bwatangiye umukino buri hasi ndetse burushwa bikomeye na Mexico yakosoye amakosa yabwo ku munota wa 35 kuri Contre attack bagafungura amazamu.

Ubudage bwagerageje kwishyura guhera ku munota wa 36 kugera umupira urangiye biba iby’ubusa nubwo na Mexico yanyuzagamo ikabona ama contre attack agapfuba.
Ubudage bwatangiye igice cya kabiri bushaka kwishyura ndetse umutoza Joachim Low agerageza kwinjiza mu kibuga amazina akomeye nka Marco Reus, Mario Gomez na Julian Brandt biranga biba iby’ubusa birangira butsinzwe.

Ubudage bwiyongereye ku makipe nk’Ubufaransa bwataye igikombe cy’isi 1998 bugatsindwa umukino ubanza mu cyo mu mwaka wa 2002 na Senegal ndetse na Espagne yatwaye igikombe cy’isi cyo mu mwaka wa 2010 muri 2014 itsindwa n’Ubuholandi ibitego 5-1.

Abakinnyi babanje mu kibuga:
Ubudage
: Neuer, Kimmich, Boateng, Hummels, Plattenhardt (Gomez 79), Khedira (Reus 60), Kroos, Muller, Ozil, Draxler, Werner (Brandt 86).

Mexico: Ochoa, Salcedo, Ayala, Moreno, Gallardo, Layun, Guardado (Marquez 74), Vela (Alvarez 58), Herrera, Lozano (Jimenez 66), Hernandez.


Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Antonio Rudiger yatangaje ko abakinnyi barambiwe umutoza Maurizio...

Myugariro wa Chelsea Antonio Rudiger yatangaje ko abakinnyi barambiwe...
21 February 2019 Yasuwe: 1250 0

Micheal Sarpong niwe watowe nk’umukinnyi mwiza witwaye neza muri...

Rutahizamu ukomoka muri Ghana Sarpong Micheal niwe watowe nk’umukinnyi mwiza...
21 February 2019 Yasuwe: 1002 0

Atletico Madrid yatsinze Juventus yibikira impamba ikomeye ishobora...

Ikipe ya Atletico iri mu nzira nziza yo kwerekeza mu mikino ya ¼ cy’irangiza...
21 February 2019 Yasuwe: 1110 0

Umukinnyi Dele Alli yabenze umukunzi we mu ibanga amusimbuza uwo bahuriye...

Umwongereza Dele Alli ukinira ikipe ya Tottenham yabenze umukunzi we Ruby...
20 February 2019 Yasuwe: 3102 0

Jules Ulimwengu yavuze byinshi ku rugendo rwe muri Rayon Sports n’umukinnyi...

Rutahizamu mushya wa Rayon Sports watangiye kwigarurira abafana kubera...
20 February 2019 Yasuwe: 3206 0

FERWAFA yakuriye inzira ku murima ikipe ya Mukura VS yashakaga ko umukino...

FERWAFA yamaze kwandikira Mukura VS iyimenyesha ko icyifuzo cyayo cy’uko...
20 February 2019 Yasuwe: 1367 0