Kigali

Ubufaransa bwatsinze Australia mu buryo butanyuze benshi

Imikino   Yanditswe na: Dusingizimana Remy 16 June 2018 Yasuwe: 1627

Mu mukino wo mu itsinda C mu gikombe cy’isi kiri kubera mu Burusiya,ikipe y’igihugu y’Ubufaransa ifite abafana benshi mu Rwanda,yatsinze Australia ibitego 2-1 mu mukino utaryoheye ijisho ndetse utashimishije abakunzi b’iyi kipe.

Muri uyu mukino wabereye mu mujyi wa Kazan, ikipe y’Ubufaransa yabanje mu kibuga ikipe y’Abakinnyi bakiri bato ndetse bose ubateranyije bafite impuzandengo y’imyaka 24, ibintu yaherukaga mu myaka 88 ishize.

Igice cya mbere cy’uyu mukino nticyari kiryoheye ijisho,kuko amakipe yombi yakinaga umukino wo kwigana ndetse yakiniye hagati cyane nta gusatirana mu buryo bukomeye.

Ku munota wa 58 nibwo Ubufaransa bwafunguye amazamu kuri penaliti yinjijwe neza na Antoine Griezmann, yatanzwe hifashishijwe rya koranabuhanga ryunganira abazifuzi (Video Assistant referee),cyane ko umusifuzi w’uyu mukino atari yabonye ko rutahizamu Griezmann yategewe mu rubuga rw’amahina.

Ku munota wa 62 ikipe ya Australia yahawe penaliti nyuma y’uko myugariro Samuel Umtiti yakubise umupira ukuboko mu rubuga rw’amahina abishaka,birangira Mile Jednak yishyuriye Australia.

Ubufaransa bwakoze impinduka bwinjiza mu kibuga abakinnyi basatira barimo Olivier Giroud,Nabil Fekir na Matuidi basimbura Griezmann,Ousmane Dembele na Tolisso bamufasha kubona igitego cya kabiri ku munota wa 81 gitsinzwe na Paul Pogba ku mupira mwiza yahawe na Giroud.

Icyo benshi bemeje ni uko iyi kipe y’Ubufaransa iri ku rwego rwo hasi ndetse yakinnye umukino utari ubereye ijisho kuko nta buryo bw’ibitego bwinshi yakoze.

Abakinnyi babanje mu kibuga

FRANCE (4-3-3): Lloris; Pavard, Varane, Umtiti, Lucas; Tolisso (Matuidi 77), Kante, Pogba; Dembele (Fekir 69), Mbappe, Griezmann (Giroud 69)

AUSTRALIA (4-4-1-1): Ryan; Risdon, Milligan, Sainsbury, Behich; Leckie, Jedinak, Rogic (Irvine 71), Mooy; Kruse (Arzani 83); Nabbout (Juric 64).





Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Xavi yandagaje Mourinho kubera imikinire ye yo kugarira cyane

Umunyabigwi Xavi Hernandez wahoze akinira FC Barcelona,yavuze ko umutoza...
23 October 2018 Yasuwe: 851 0

Masudi Djuma yavuze ikintu kizamufasha guhangamura Rayon Sports na APR...

Umutoza mushya wa AS Kigali,Masudi Djuma yavuze ko ikintu gituma APR FC na...
23 October 2018 Yasuwe: 1686 0

Perezida Kagame yashimiye Arsenal ku munsi we w’amavuko

Perezida wa Repubulika y’U Rwanda wizihije isabukuru y’imyaka 61 uyu...
23 October 2018 Yasuwe: 1052 0

Cristiano Ronaldo yagaragaye yambaye isaha ihenze cyane mu kiganiro...

Umukinnyi wa Juventus Cristiano Ronaldo yagaragaye mu kiganiro...
23 October 2018 Yasuwe: 2186 0

Cristiano Ronaldo yashashe inzobe ku birego ashinjwa byo gufata ku ngufu...

Rutahizamu Cristiano Ronaldo wa Juventus yatangarije abanyamakuru ku nshuro...
23 October 2018 Yasuwe: 1546 0

Jose Mourinho yahaye igisubizo abavuze ko agiye kwerekeza mu ikipe ya Real...

Umutoza wa Manchester United,Jose Mourinho yatangaje ko nta gahunda afite...
23 October 2018 Yasuwe: 1035 0