Ikipe ya Real Madrid yeretse PSG koubunararibonye ari ingirakamaro mu mukino ubanza wa 1/8 cya UEFA Champions League iyitsinzemo ibitego 3-1,mu gihe FC Porto inyagiriwe ku kibuga cyayo na Liverpool ibitego 5-0. Ikipe ya Real Madrid ntiyahabwaga amahirwe n’abakunzi ba ruhago kubera ukuntu imaze iminsi yitwara muri La Liga ndetse no muri Copa Del Rey yasezerewemo rugikubita na Leganes ariko yerekanye ko ari umwami wa Champions League mu mukino itsinzemo PSG ibitego 3-1. Paris Saint Germain (...)

Sponsored Ad

Ikipe ya Real Madrid yeretse PSG koubunararibonye ari ingirakamaro mu mukino ubanza wa 1/8 cya UEFA Champions League iyitsinzemo ibitego 3-1,mu gihe FC Porto inyagiriwe ku kibuga cyayo na Liverpool ibitego 5-0.

Ikipe ya Real Madrid ntiyahabwaga amahirwe n’abakunzi ba ruhago kubera ukuntu imaze iminsi yitwara muri La Liga ndetse no muri Copa Del Rey yasezerewemo rugikubita na Leganes ariko yerekanye ko ari umwami wa Champions League mu mukino itsinzemo PSG ibitego 3-1.

Paris Saint Germain niyo yatangiye neza kuko yafunguye amazamu ku munota wa 33 ku gitego cya Adrien Rabiot nyuma y’uburangare bw’aba myugariro ba Real Madrid gusa nticyatinze kwishyurwa kuko ku munota wa 45 myugariro Marquinhos yategeye mu rubuga rw’amahina Toni Kloos maze umusifuzi atanga penaliti yatewe neza na Cristiano Ronaldo.

Mu gice cya kabiri amakipe yombi yasatiranye akagenda ahusha ibitego gusa ubuhanga bwa Zinedine Zidane bwaje kugaragara mu minota 10 ya nyuma ubwo yinjizaga mu kibuga Lucas Vazquez na Marco Asensio agakuramo Isco na Casemiro ndetse aba bombi baje basanga Gareth Bale winjiye mu kibuga asimbuye Benzema maze batesha umutwe PSG karahava.

Aba basore bakimara kwinjira,ikipe ya Real Madrid yazamukanye umupira maze umusore Marco Asensio awutera mu rubuga rw’amahina umunyezamu Alphonse Areola ashaka kuwukuramo niko kuwuha Cristiano Ronaldo aba ashyizemo igitego cya kabiri ku munota wa 83.

Marcelo yishimira igitego cya 3 asanga umutoza we Zidane

Ku munota wa 86 Real Madrid yongeye kuzamukana umupira waje guterwa mu rubuga rw’amahina nanone na Asensio usanga Marcelo ahagaze neza ahita awushyira mu rushundura,umupira urangira ari ibitego 3 bya Real Madrid kuri 1 cya PSG.

Bashimira abafana babatije umurindi

Abakinnyi babanje mu kibuga ku mpande zombi:
Real Madrid: Navas, Nacho, Varane, Ramos, Marcelo, Modric, Casemiro (Vazquez 79’), Kroos, Isco (Asensio 79’), Benzema (Bale 68’), Ronaldo,

Zidane yumiwe kubera ibyo yakoreye PSG

PSG: Areola, Alves, Marquinhos, Kimpembe, Berchiche, Verratti, Lo Celso (Draxler 84’), Rabiot, Mbappe, Cavani (Meunier 66’), Neymar

Ronaldo yerekanye ko ari umwami wa Champions League

Mu wundi mukino wabaye kuri uyu wa Gatatu,ikipe ya Liverpool yanyagiye FC Porto iyisanze iwayo ibitego 5-0 birimo 3 bya Sadio Mane,na Kimwe cya Mohamed Salah na Roberto Filmino.

Sadio Mane yatsinze ibitego 3 muri 5-0 Liverpool yanyagiye Porto